Proda urdhëron shlyerjen e pagesave të prapambetura për efektivët e Policisë

Drejtori i Përgjithshëm i Policisë së Shtetit, Ilir Proda nxori sot urdhrin për Departamentin për Shërbimet mbështetëse në DPPSH, për të gjitha njësitë buxhetore në Policinë e Shtetit që brenda ditës së sotme të kalojnë në thesar pagesat e prapambetura të punonjësve të Policisë.

“Brenda ditës së sotme, çdo njësi buxhetore në Policinë e Shtetit, të kalojë në thesar pagesat e prapambetura të punonjësve të Policisë. Çdo vonesë ju ngarkon me përgjegjësi”, thanë burime nga Policia.

Bëhet fjalë për orët suplementare, orët e natës, dietat e prapambetura, lekët e ushqimit, e çdo pagesë e prapambetur.

Nga të gjitha njësitë buxhetore prej mëngjesit të sotëm po kryhen veprimet me thesarin  për të kaluar pagesat.

Urdhri i Prodës nuk ka lidhje me shpërblimet e miratuara për festat e Fundvitit.

1.5 miliardë lekë është shuma që ka kaluar me Akt Normativ i cili ka dalë në sistem ditën e premte.

Fraksion.com