Zgjedhjet e 11 majit, VanHorn: SHBA mbështet përpjekjet e KQZ-së për të garantuar një proces të drejtë dhe transparent

13 Dhjetor, 2024 admin

E ngarkuara me punë Nancy VanHorn ka zhvilluar një takim me Komisionerin Shtetëror të Zgjedhjeve, Ilirjan Celibashi ku në fokus kanë qenë zgjedhjet parlamentare të 11 majit 2025. Ambasada e SHBA në Tiranë njofton se takimi vjen pas një vizite të suksesshme të Komisionerit Qendror të Zgjedhjeve (KQZ) dhe ekipit të tij në SHBA si pjesë e Programit të Vizitorëve Ndërkombëtarë dhe Lidershipit të Departamentit të Shtetit.

“Vizita u dha zyrtarëve të KQZ-së mundësinë për të mësuar mbi praktikat elektorale të SHBA-së dhe për të forcuar lidhjet profesionale”, thuhet në reagimin e ambasadës amerikane.

Duke dhënë detaje nga takimi VanHorn Celibashi, ambasada e SHBA sqaron se “Komisioneri Celibashi informoi për përgatitjet e KQZ-së përpara zgjedhjeve parlamentare të majit”. “Dhe zonja VanHorn shprehu mbështetjen e fortë të SHBA-së për përpjekjet e KQZ-së për të siguruar zgjedhje të drejta dhe transparente, duke theksuar rëndësinë e lejimit të institucioneve si KQZ-ja të funksionojnë pa ndërhyrje”, thuhet ndër të tjera në njoftimin e shpërndarë nga ambasada amerikane në rrjetin social X.

Fraksion.com

You May Also Like