U ndalua nga Policia për mashtrim, reagon Rezart Veleshnja: Nuk kam lidhje!
Aktori i njohur, Rezart Veleshnja, ka reaguar për herë të parë pas ndalimit të tij nga Policia e Durrësit, i cili akuzohet për mashtrim, pasi dyshohet se i ka marrë një automjet një personi dhe e ka shitur për 2 mijë euro.
Në një video të shpërndarë nga ai, Veleshnja ka dhënë versionin e tij të ngjarjes, duke e quajtur situatën të tepruar dhe të pavend. Ai shpjegon se automjeti kishte humbur dhe se ai e kishte përdorur për një periudhë kohe.
“Ju përshëndesim nga Pogradeci! Ideja është që është një automjet që e kam përdorur unë. Ai automjet kishte humbur, ndërkohë që unë thjesht e kam përdorur. Dhe sot e kësaj dite është gjetur se kush e ka pasur. Kaq! Nuk ka asnjë gjë këtu, jo u arrestua jo… turp! Ishte një automjet që kishte humbur, kaq! E kam përdorur dikur, por unë s’kam lidhje më me atë makinë pasi e kam hequr,” tha Veleshnja në video.
Aktori i njohur ka mohuar çdo akuzë për shitjen e makinës dhe ka theksuar se nuk ka asnjë lidhje me ngjarjen.
Fraksion.com
