Ndahet nga jeta Arben Tafaj, ish-kandidat për Bashkinë e Tiranës. Alimehmeti: Humbëm një qytetar elitar

3 Dhjetor, 2024 admin

Ish-kandidati i PD për deputet Arben Tafaj ndërroi jetë tragjikisht rreth orës 00:40, në Rrugën e Dajtit pasi aksidentalisht ka rënë nga 10 metra lartësi.

Ish-kryetari i Njësisë Bashkiake nr.8 në Tiranë, Arben Tafaj është ndarë nga jeta. Mësohet se kryetari i Shoqatës “Tirana” ka qenë në ambientet e shtëpisë së tij kur është rrëzuar aksidentalisht dhe për pasojë ka ndërruar jetë.

63-vjeçari dyshohet se ka qenë në gjendje të dehur dhe nga plagët e marra nga rënia nuk ka mundur të mbijetojë.

“Më datë 03.12.2024, rreth orës 00:40, në Rrugën e Dajtit, dyshohet se duke qenë në gjendje të dehur, aksidentalisht është rrëzuar nga një lartësi rreth 10 metra, në banesën e tij, shtetasi A. T., 63 vjeç. Si pasojë e dëmtimeve të marra ky shtetas ka ndërruar jetë në spital”, sipas njoftimit të policisë.

Ka qenë mjeku Ilir Alimehmeti ai i cili ka ndarë lajmin e keq përmes një postimi në rrjetet sociale.

“Me hidhërim të thellë u njoftova për ndarjen e papritur nga jeta të z. Arben Tafaj, i cili nuk ishte vetëm një mik, por edhe një qytetar elitar, një aktivist i vazhdueshëm dhe një politikan i spikatur me tone gjithnjë të moderuara qytetare. Humbja e Benit është patjetër humbje e hidhur për familjarët dhe miqtë e tij, por është humbje e madhe edhe për qytetarët dhe qytetin e Tiranës! Ngushëllime të ndjera familjes Tafaj për humbjen e një njeriu të dashur, të urtë e të matur. Do të na mungosh Beni”, shkruan Alimehmeti.

Fraksion.com

You May Also Like