“Aleatët po blejnë qindra avionë luftarakë të gjeneratës së pestë”, siguria në Detin e Zi, Shefi i NATO-s takim me kryeministrin e Rumanisë

Sekretari i Përgjithshëm Mark Rutte u takua me kryeministrin Marcel Ciolacu në selinë e NATO-s më 18 nëntor, për të diskutuar sigurinë në rajonin e Detit të Zi.

Z. Rutte falënderoi kryeministrin Ciolacu për kontributet e shumta të Rumanisë në Aleancë. Rumania investon më shumë se 2% të PBB-së së saj në mbrojtje, pret një grup beteje shumëkombëshe të NATO-s dhe kontribuon me trupa në misionet e NATO-s në Kosovë dhe Irak.

Sekretari i Përgjithshëm tha se Rumania ka qenë “një mik i fortë i Ukrainës” duke ofruar ndihmë kritike ushtarake, duke përfshirë një sistem të mbrojtjes ajrore Patriot, dhe duke nënshkruar një marrëveshje dypalëshe sigurie 10-vjeçare.

Sekretari i Përgjithshëm dënoi shkeljet e hapësirës ajrore të NATO-s nga dronët dhe raketat ruse, duke thënë se ato “janë të pamatur, janë të rrezikshme dhe janë të papranueshme” dhe duke shtuar se “NATO ka përforcuar mbrojtjen e saj ajrore në krahun e saj lindor dhe aleatët, ndërsa flasim,  po blejnë qindra avionë luftarakë të gjeneratës së pestë.”

Fraksion.com