Gjermania nuk do t’i japë Ukrainës raketa me rreze të gjatë

Gjermania i qëndron vendimit të saj për të mos ofruar raketa me rreze të gjatë veprimi për Ukrainën, tha një zëdhënës i qeverisë gjermane.

Zëdhënësi u pyet nëse mund të ketë një ndryshim në politikë pas vendimit të SHBA për të lejuar Ukrainën të lëshojë raketa me rreze të gjatë në territorin rus.

“Vendimi i kancelarit është i pandryshuar”, thotë zëdhënësi.

Gjermania është donatori i dytë më i madh i Ukrainës për ndihmën ushtarake pas SHBA-së, por kancelari Olaf Scholz ka zgjedhur të mos e pajisë Ukrainën me raketa Taurus me rreze të gjatë veprimi të prodhimit gjerman.

Udhëheqësi gjerman u përball me polemika javën e kaluar pasi foli me presidentin rus Vladimir Putin në telefon, një lëvizje të cilën homologu i tij ukrainas e etiketoi “kutia e Pandorës” dhe se kjo dobësoi izolimin e Putinit.

Fraksion.com