Putini vlerëson Presidentin e zgjedhur Trump, thotë se është i gatshëm për bisedime

Presidenti rus Vladimir Putin përgëzoi Presidentin e zgjedhur amerikan Donald Trump për fitoren në zgjedhjet presidenciale amerikane, duke e vlerësuar për guximin që tregoi kur një sulmues u përpoq ta vriste dhe duke shtuar se Moska është e gatshme të bisedojë me të.

“Dua ta përgëzoj për zgjedhjen presidentin”, deklaroi zoti Putin gjatë një diskutimi në klubin Valdai, që po mbahet në Soçi, në Detin e Zi.

Gjatë fushatës zgjedhore, zoti Trump tha se ai mund të sillte paqe në Ukrainë brenda 24 orësh nëse zgjidhej president, por ka dhënë pak detaje se si do t’i jepte fund luftës më të madhe në territorin e Evropës që nga Lufta e Dytë Botërore.

Presidenti Putin tha se ajo që kishte deklaruar zoti Trump gjatë fushatës për zgjidhjen e krizës në Ukrainë meriton vëmendje. Ai tha se nëse zoti Trump dëshiron të rigjallërojë kontaktet, Rusia është e gatshme për bisedime./voa

Fraksion.com