“Të vallëzosh duhen dy vetë”, Gonzato për deklaratën e Ramës dhe dialogun me opozitën: E dua muzikën, por s’jam dirigjent i mirë

Ambasadori i Bashkimit Europian Silvio Gonzato ka folur në lidhje me procesin e integrimin europian të vendit.

Në një konferencë për shtyp me kryeministrin Edi Rama ku i dorëzoi Progres Raportin e përpiluar nga BE, u shpreh se duke qenë se reformat që kërkohet nga Shqipëria të bëjë kanë karakter shoqëror dhe synojnë të ndryshojnë mënyrën se si funksionon shoqëria, atëherë kërkohet përfshirja edhe e opozitës.

“E dua muzikën por nuk mendoj se jam dirigjent i mirë. Më mirë rri në auditor. Do të keni dëgjuar që kam theksuar se duke pasur parasysh reformat që duhen ndërmarrë nga Shqipëria janë ndërmarrje shoqërore për të ndryshuar mënyrën si funksionon shoqëria duhet edhe pjesëmarrja e opozitës. Jam përpjekur të mbaj të përfshirë opozitën.
Ka mënyra për të shprehur mospajtimin, ndryshimin e mendimit. Shpresoj që do të gjendet një rrugë për të riangazhuar opozitën. I gatshëm të ndaj çdo informacion që më kërkohet por kërkon angazhim nga të dy palët jo vetëm nga qeveria”, tha ai.

Fraksion.com