Bardhi i përgjigjet Gonzatos: Jemi të përjashtuar, fshehja e realitetit nuk e ndihmon Shqipërinë

Kreu i grupit parlamentar të PD-së Gazment Bardhi i është përgjigjur ambasadorit të BE-së në Shqipëri Silvio Gonzato, i cili tha se opozita duhet të luajë rolin e saj brenda Parlamentit.

Bardhi ka publikuar një foto nga deputetët e opozitës të ulur në tokë jashtë Parlamentit, të rrethuar nga Garda dhe i kujton se opozita është përjashtuar nga Kuvendi pa ligj dhe me një rregull që është shfuqizuar prej 6 muajsh nga Gjykata Kushtetuese.

Fshehja e realitetit/të vërtetës pas fjalëve të bukura, nuk e ndihmon Shqipërinë! Realiteti/e vërteta është që opozita është përjashtuar nga Kuvendi pa ligj dhe me një rregull që është shfuqizuar prej 6 muajsh nga Gjykata Kushtetuese.
Parlamentarizimi ka në themel të tij respektimin e Kushtetutës, si mundësia e vetme e bashkëjetesës mes palëve që mendojnë ndryshe”, deklaron Bardhi.

1/3. Bëhet thirrje që opozita të luaj rolin e saj brenda Parlamentit; ndërkohë mundësia e opozitës për të hyrë brenda dhe pastaj për të patur mundësi të luaj rolin e saj brenda Parlamentit paraqitet kështu në realitet! 👇 pic.twitter.com/pweX3X7UNz

— Gazment Bardhi (@GazmentBardhi) October 31, 2024

Fraksion.com