Ngritja e flotës hije të Rusisë

Në fillim të vitit 2024, Rusia kishte blerë më shumë se 600 cisterna të vjetra për të anashkaluar sanksionet.

Për dekada, eksportet ruse u përqëndruan në lëndët e para, kryesisht naftën dhe gazin, me Bashkimin Evropian si blerësin kryesor. Të ardhurat nga nafta financuan drejtpërdrejt buxhetin e Moskës, duke e bërë ndalimin e eksporteve një pikë të mundshme presioni ndaj Kremlinit. Perëndimi u përpoq ta shfrytëzonte këtë pas pushtimit rus të Ukrainës duke vendosur një kufi çmimi (mbi të cilin siguruesit perëndimorë u ndalohej të ofronin shërbimet e tyre) dhe një embargo ndaj naftës ruse, të gjitha që synonin ndërprerjen e fondeve për ushtrinë ruse.

Megjithatë, kërkesa e vazhdueshme për naftën ruse dhe aftësia e Moskës për të ruajtur furnizimin e shtynë një pjesë të biznesit në hije. Mbështetja e Evropës në energjinë ruse, veçanërisht gazin, nënkuptonte se një ndërprerje e menjëhershme e marrëdhënieve ishte e pamundur dhe Rusia nuk ishte e gatshme të sakrifikonte të ardhurat ose pjesën e tregut. Kjo çoi në ngritjen e një “flote hije” për të mbajtur rrjedhjen e naftës. Në fillim të vitit 2024, Rusia kishte blerë më shumë se 600 cisterna të vjetra për të vazhduar këto operacione. Dinamika e tregut në rajon ka qenë e ngadaltë në ndryshim, por flota në hije mbetet e ndjeshme ndaj sanksioneve të mëtejshme, veçanërisht nga SHBA./GPF

Fraksuon.com