Ndërron jetë në moshën 83-vjeçare Fetullah Gulen

Ndërron jetë në moshën 83-vjeçare predikuesi mysliman turk Fethullah Gulen. Ai vdiq në një spital në SHBA, ku qëndronte në azil që prej vitit 1999.

Mediat turke bëjnë të ditur se trajtohej për demencë, për veshkat dhe diabetin. Gylen ndërtoi një lëvizje të fuqishme islamike Feto në Turqi dhe më gjerë, por vitet e fundit i kaloi nën akuzuat për orkestrimin e një tentative për grusht shteti kundër liderit turk Recep Tajip Erdogan, akuza të cilat ai i mohoi.

Guleni ishte dikur aleat i Erdoganit, por më pas u kthyen në kundërshtarë. Erdogan e konsideroi atë përgjegjës për tentativën për grusht shteti të vitit 2016, në të cilën ushtarët fiktivë komanduan avionë luftarakë, tanke dhe helikopterë.

Rreth 250 njerëz u vranë në përpjekje për të marrë pushtetin. Departamenti i Policisë së Ankarasë përgatiti një raport në vitin 1999 për Fetullah Gylenk u thuhej se , ishte drejtuesi i një organizate, anëtarët e së cilës po depërtonin në njësitë e policisë turke.

Më 21 mars 1999, 3 ditë pasi Drejtoria e Përgjithshme e Sigurisë mori këtë raport; Gulen, duke përmendur problemet shëndetësore, shkoi në Shtetet e Bashkuara të Amerikës.

Që nga ajo kohë deri në ditën e fundit të tij, ai jetoi në Pensilvani. Ndërsa që prej vitit 2015, ai ishte në listën e “terroristëve më të kërkuar” të publikuar nga Ministria e Punëve të Brendshme të Republikës së Turqisë. Fethullah Gylen, lindi më 27 prill 1941, në lagjen Pasinler të Erzurumit dhe vdiq në Pensilvani, SHBA, në moshën 83-vjeçare.

Fraksion.com