Ministria libaneze e shëndetësisë: Numri i të vdekurve nga sulmi izraelit në Bejrutin qendror është rritur në 9

Numri i të vdekurve nga një sulm ajror izraelit në qendër të Bejrutit herët në mëngjesin e së enjtes është rritur në nëntë, tha ministria libaneze e shëndetësisë.

Sulmi goditi lagjen Bashoura, pranë qendrës së qytetit, konfirmoi CNN, përmes gjeolokimit të zonës.

Një përditësim nga ministria e shëndetësisë e Libanit më vonë të enjten tha se numri i të vdekurve ishte rritur në nëntë “dëshmorë”. Përveç kësaj, 14 persona u plagosën. Testet e ADN-së janë duke u zhvilluar për të përcaktuar identitetin e disa prej mbetjeve.

Nga nëntë të vrarët, shtatë ishin mjekë që punonin për Autoritetin Shëndetësor Islamik të lidhur me Hezbollahun. Autoriteti kishte një zyrë në një kat të ndërtesës, e cila u godit gjatë një vale sulmesh në kryeqytetin libanez. CNN Turk e gjeti ndërtesën të dëmtuar rëndë, me rrënoja në rrugë.

Më parë të paktën gjashtë persona ishin vrarë në sulm.

Kjo shënon herën e parë që Izraeli godet këtë zonë që nga viti 2006. Sulmet e Izraelit kanë vrarë më shumë se 1000 njerëz në Liban dhe kanë zhvendosur rreth 1 milion banorë që nga përshkallëzimi i luftës

Fraksion.com