Hezbollahu thotë se zmbrapsi tentativën e avancimit të Izraelit në Liban

Hezbollahu thotë se zmbrapsi një përpjekje të forcave izraelite për të avancuar në kufirin libanez të enjten, ku të dy palët janë përleshur që kur Izraeli nisi një sulm tokësor.

Grupi militant tha se ata ndaluan një përpjekje për avancim nga Forcat e Mbrojtjes të Izraelit (IDF) në pikën kufitare të Portës Fatima duke gjuajtur me artileri ndaj ushtarëve që përparonin. Ata gjithashtu thanë se ndaluan një sulm izraelit pranë qytetit Maroun Al-Ras.

Hezbollah gjithashtu njoftoi se kishte lëshuar më shumë raketa mbi Izraelin, duke synuar një vendbanim izraelit në veri të vendit, si dhe një post ushtarak, duke thënë se sulmet ishin në mbështetje të palestinezëve në Gaza dhe “në përgjigje të agresionit brutal izraelit”.

CNN i është drejtuar Forcave të Mbrojtjes të Izraelit (IDF) për koment.

Fraksion.com