U propozua për drejtimin e Policisë së Shtetit, kush është Ilir Proda me 19 vite karrierë me uniformat blu
Me një karrierë gati 19 vite në Policinë e Shtetit, Ilir Proda që së fundmi mbante prej marsit të vitit të kaluar postin e drejtorit të policisë Elbasan, propozohet drejtor i Policisë së Shtetit.
Me një karrierë gati 19 vite në Policinë e Shtetit, Ilir Proda së fundmi mbante prej marsit të vitit të kaluar postin e drejtorit të Policisë Elbasan.
Proda ka nisur rrugëtimin e tij në uniformat blu në vitin 2005 fillimisht si specialist i policisë kriminale në komisariatin nr. 3.
Më pas, për shumë vite ka shërbyer si specialist në komisariate dhe në drejtorinë e përgjithshme.
Në 2013 ai emërohet shef komisariati, detyrë të cilën e mbajti gati një vit dhe dy vite të tjera, deri në vitin 2016 shërbeu si shef i komisariatit të Bulqizës.
Në korrik të vitit 2019 pasi merr gradën kryekomisar ai emërohet zv. drejtor për hetimin e krimeve në Korçë.
Ndërsa në 2021 emërohet në po të njëjtën detyrë në policinë e Elbasanit.
Në mars të vitit 2023, pasi mori gradën drejtues, ai u emërua drejtor i policisë Elbasan.
Proda ka diplomë avokati dhe master shkencor për të drejtë penale. Po ashtu ka marrë pjesë në kurse e seminare të ndryshme ku është pajisur me certifikatë.
Konkurrimi nisi prej datës 6 shtator, ku garuan 15 kandidatë
Pas një konkurrimi të nisur prej datës 6 shtator, ku garuan 15 kandidatë Ilir Proda u propozua nga Ministri i Brendshëm në Këshillin e Ministrave për të drejtuar Policinë e Shtetit.
Pas përfundimit të akademisë së sigurisë në vitin 2005 Proda u emërua specialist i policisë kriminale në komisariatin nr. 3. Më pas për shumë vite ka shërbyer si specialist në komisariate të ndryshme dhe në drejtorinë e përgjithshme.
Në 2013 ai drejtoi komisariatin nr. 2 në Tiranë, detyrë të cilën e mbajti gati një vit dhe dy vite të tjera, deri në vitin 2016 ku shërbeu si shef i komisariatit të Bulqizës.
Në korrik të vitit 2019 pasi mori gradën “kryekomisar” ai u emërua zv. drejtor për hetimin e krimeve në Korçë. Ndërsa në 2021 ai u emërua në po të njëjtën detyrë në policinë e Elbasanit.
Nga marsi i vitit 2023, pasi mori gradën drejtues, ai u emërua drejtor i policisë Elbasan detyrë të cilën e mbante deri më sot. Për shkak të pozicionit që ka fituar Proda do të marrë gradën “drejtues madhor” dhe sipas ligjit të ri për policinë e shtetit ka një mandate 5 vjeçar për të drejtuar Policinë e Shtetit.
Ilir Proda ka diplomë avokati dhe ka kryer studimet master shkencor për të drejtë penale. Po ashtu ka marrë pjesë në kurse e seminare të ndryshme ku është pajisur me certifikatë.
Fraksion.com
