Ky është horoskopi ditor për dtën e sotme e enjte 26 shtator 2024. Parashikimi i yjeve për ju sot se si do të ecë puna, shëndeti dhe ndjenjat për secilën shenjë
Dashi
Ambicia juaj nuk do ndalet gjatë kësaj dite. Edhe nëse kishit rënë në gjumë sot do iu jepet mundësia të rizgjoheni dhe të merrni në dorë frenat e gjthckaje. Me Jupiterin që do ndikojë tek jeta juaj sentimentale, ju që keni një lidhje do kaloni një ditë të qetë dhe pa probleme. Dashuroni sa të shumë edhe pse pa shumë pasion. Ju beqarët do e keni të vështirë të bëni takime dhe të takoni atë që keni ëndërruar. Në punë do filloni një aktivitet të ri dhe keni për të pasur më shumë fat nga sa mendonit. Çështjet financiare mund t’ua prishin paksa qejfin. Mos dëgjoni këshillat që mund t’iu japë një dash sepse do pendoheni më vonë.
Demi
Sot do jeni folës të shkëlqyer dhe të gjithë do kenë dëshirë t’iu dëgjojnë. Do jeni këshilla, por disa do i ndriçoni të pranojnë edhe disa gabime. Nëse keni një lidhje do jetë një ditë mjaft premtuese kjo e sotmja. Partneri do i mbajë të gjitha premtimet që ju ka bërë dhe një etapë shume e bukur ka për të filluar për ju. Nëse jeni beqarë do vazhdoni të mbeteni vetëm sepse nuk do ju pëlqejnë personat që do iu joshin. Në punë do e keni shumë të lehtë t’i shprehni ato që mendoni dhe do mund të bashkëpunoni pa problem me cilindo koleg që do ju caktojnë. Në planin financiar do jeni më të kujdesshëm se me parë dhe asgjë e keqe nuk ka për t’iu ndodhur.
Binjakët
Sot do keni mundësi të vini në pah të gjitha meritat dhe cilësitë që keni. Do gazoni dhe do mërzisni shumë persona njëkohësisht. Nëse keni një lidhje, jeta juaj sentimentale do jetë shumë origjinale dhe e bukur. Ju thjesht duhet të përfitoni sa më shumë. Nëse jeni beqarë, do iu duket se dashuria nuk do vijë kurrë për ju. Një takim pasdite do iu bëjë të ndryshoni mendim njëherë e përgjithmonë. Në punë hekurin duhet ta rrihni sa është ende i nxehtë sepse po nuk përfituat tani keni për të humbur shumë. Nuk do iu jepen më raste të tilla. Merrni të gjitha masat e nevojshme në mënyrë që financat të mos përkeqësohen shumë. Ulini pak shpenzimet.
Gaforrja
Mundet të bëni edhe disa gabime gjatë kësaj dite e mund të mos mbani premtime, por sërish do reflektoni në kohë dhe do ndreqni çdo gjë. Për ju çiftet që keni kohë që jeni bashkë klima sentimentale do jetë shumë e ngrohtë. Secili prej jush do kujdeset për detajet dhe çdo gjë do shkojë për mrekulli. Ju beqarët duhet të mirëprisni një dashuri me shikim të parë. Kësaj here do jeni të sigurt për atë që doni vërtet dhe do i hidhni hapat një nga një. Në punë mos qëndroni me orë të tejzagjatura, por bëni aq sa keni mundësi. Edhe po latë ndonjë gjë për më vonë nuk do jetë fundi i botës. Në planin financiar do jetë ditë e favorshme për të bërë edhe ndonjë shpenzim.
Luani
Bëni kujdes mos provokoheni gjatë kësaj dite sepse shumë persona që ju kanë zili do mundohen t’iu prishin planet. Ju të dashuruarit më në fund do e kuptoni se iu duhet qëndrueshmëri në jetën tuaj. Për këtë arsye do sakrifikoni edhe pak nga liria juaj në mënyrë që gjërat të shkojnë mirë me partnerin. Ju beqarët po prisni princin e kaltër dhe nuk do i kushtoni vëmendje atij që do takoni. Kjo gjë do jetë gabim sepse ai mund të jetë edhe i duhuri. Në punë mund t’iu bëhen padrejtësi që nuk do i toleroni dot aspak. Mënyra më e mirë për të inatosur ata që ju kanë inat është të arrini sa më lart të jetë e mundur. Për financat do kujdeseni shumë dhe çdo gjë do shkojë mjaft mirë.
Virgjëresha
Gjatë kësaj dite do mundoheni të shmangni me çdo mënyrë konfliktet dhe do jeni shumë të hapur. Ju që keni një lidhje do dashuroni dhe do jetoni qetësisht. Klima do jetë mjaft sensuale dhe harmonia do të mbizotërojë. Nëse jetoni bashkë, pasioni do të rindizet si kurrë më parë. Ju beqarët do keni një dite mjaft aktive dhe do bëni edhe takime impresionuese. Përfitoni sa më shumë nga ato. Në punë duhet të përgatiteni për të pasur kundërshtime të shumta sidomos nga ata që ju kanë zili. Gjithsesi sido që të vijnë punët mos u ndalni asnjë moment. Në sektorin financiar do keni fat, por kjo nuk do të thotë që ju mund të shpenzoni sa të doni. Tregohuni pak kursimtarë sepse nuk do pendoheni.
Peshorja
Dielli do ju bëjë edhe më sharmantë e më joshës gjatë kësaj dite. Në çdo plan keni për të pasur sukses të garantuar. Nëse keni një lidhje klima ka për të qenë gjithë kohës e ngrohtë dhe do afroheni akoma më shumë me njëri-tjetrin. Do flisni hapur për gjithçka dhe nuk do i mbani dot përbrenda ndjenjat. Ju beqarët do merrni shumë ftesa nga persona mjaft të interesuar për ju. Bëni atë që do ju thotë zemra. Në punë Hëna do ju vërë përballë disa provave, por ju do realizoni gjithçka me shumë sukses. Bravo për durimin dhe për kurajën. Financat do i menaxhoni për mrekulli dhe do dini përherë sa të shpenzoni.
Akrepi
Kjo do jetë një ditë e mbushur me rreziqe, por ju do jeni aq të zotët sa do t’i kaloni pa ndonjë problem të madh. Pozitivizmi dhe largpamësia do ju shoqërojnë gjithë kohës. Nëse nuk doni që jeta juaj në çift të marre tatëpjetën mundohuni të flisni hapur për gjithçka dhe të mos heshtni për asnjë çast. Nëse jeni beqarë do jeni disi konfuzë dhe nuk do dini çfarë hapash të hidhni. Këshillat e familjareve mirë është t’i dëgjoni me kujdes. Në punë asgjë nuk do ju duket e vështirë sepse do keni mjaftueshëm besim tek vetja. Nëse keni të bëni me klientë do keni edhe më shumë sukses sepse dini si t’ua mbushni mendjen. Sektorin e financave menaxhojeni me sa më shume kujdes pasi vetëm kështu gjendja do mbetet e mirë.
Shigjetari
Dita e sotme do fillojë me disa mosmarrëveshje të vogla sepse do zhgënjeheni nga persona të afërt. Nëse keni një lidhje nuk do mund të jeni në qetë sepse hija dyshimit do ju shoqërojë gjithë kohës. Nuk do arrini dot as të diskutoni qetësisht me atë që keni në krah. Nëse jeni beqarë nuk do e duroni dot vetminë, por nga ana tjetër do ndiheni si të bllokuar dhe nuk do hedhin dot hapa. Në punë do ju duhen dyfish përpjekje dhe mund për të arritur atje ku keni dëshiruar. Në planin financiar vështirë se mund të bëni ekonomi dhe do keni goxha tronditje.
Bricjapi
Besoni tek vetja dhe tek sharmi juaj sot sepse ato do ju nxjerrin edhe nga situatat delikate në të cilat mund të futeni. Ju të dashuruarit do tundoheni tej mase nga një person dhe ka rrezik ta tradhtoni atë që keni në krah. Gjithçka e bukur që kishit ndërtuar deri më sot do marrë fund sa hap e mbyll sytë. Ju beqarët do jeni tej mase përzgjedhës dhe vështirë se mund të gjejnë një person të përshtatshëm. Në punë do jeni shumë kompetentë dhe mund të merrni një promocion që do ua mbushë shpirtin plot. Vlerësimi i shefave për ju është i jashtëzakonshëm. Sektori i financave do jetë gjithë kohës i kënaqshëm dhe pa probleme. Shfrytëzojeni rastin për të bërë edhe ndonjë investim.
Ujori
Gjatë kësaj dite do keni dëshirë të mësoni gjëra të reja dhe të eksploroni horizonte. Hëna do ua bëjë gjithçka më të lehtë. Për ju që jeni në një lidhje nuk do ketë aspak probleme. Me partnerin do keni një bashkëpunim për t’u pasur zili dhe shpesh do i shprehni ndjenjat edhe më zë të lartë. Ju beqarët do kaloni një nga ditët më të bukura të jetës tuaj. Çdo gjë për ju do jetë si nëpër ëndrra. Në punë do keni me ë vërtetë ide gjeniale dhe eprorët nuk do ndalen së ua vëni në pah. Arritjet do i bëjnë paksa xhelozë kolegët, por nuk kanë çfarë t’iu bëjnë. Edhe për buxhetin do jetë një ditë e begatë. Mund të kryeni investime pa frikë.
Peshqit
Gjatë kësaj dite do investoheni me shpirt në diçka që do bëni dhe do mund t’ia dilni mbanë. Për u që jeni në një lidhje priten momente harmonike dhe të mbushura me gëzim do. Shumë gjera do lulëzojnë dhe shpesh do ndiheni si mbi re. Ju beqarët nuk do jeni të logjikshëm dhe vetëm për ta ndryshuar statusin mund të hidhni hapa të gabuara. Në punë do ju duhet të përballeni me goxha sfida, por pasi t’i kaloni shefat do iu japin mundësi të reja në poste shumë më të rëndësishme se më parë. Në planin financiar do jeni shumë më të kujdesshëm dhe nuk do hidhni hapa të nxituara. Situatën do e keni nën kontroll.
Fraksion.com
