Dënimi i Salianjit, Meta: Hakmarrje për t’i ndaluar mundësinë e kandidimit.Sistem kriminal!
Presidenti i Partisë së Lirisë Ilir Meta e cilësoi sot vendimin e Gjykatës së Apelit për dënimin me 1 vit burg të deputetit të PD-së, Ervin Salianji si hakmarrje.
Gjatë një konference për mediet, Meta u shpreh se ky vendim është përpjekje për t’i ndaluar Salianjit mundësimin e kandidimit për zgjedhjet e vitit të ardhshëm.
Meta theksoi se, gjykatat e kanë të shkruar në ballë që marrin vendime partiake.
“Gjykatat e kanë në ballë për fat të keq që marrin vetëm vendime partiake dhe politike. Kjo është një hakmarrje e qartë ndaj deputetit Salianji, për denoncimet e forta që ai ka bërë kundër trafikut të drogës ku janë të përfshirë eksponentë të qeverisë dhe shumicës aktuale”, u shpreh Meta.
Njëkohësisht, shtoi Meta, “është një përpjekje për t’i ndaluar atij mundësinë e kandidimit dhe të ushtrimit të mandatit të deputetit në të ardhmen”.
Padyshim, u shpreh Meta, “besoj se është një hakmarrje edhe për fitoren në bashkinë e Kavajës”.
“Nuk pritej ndonjë surprizë nga një sistem kriminal drejtësie në tërësinë e vet. Janë shumë pak akte të pavarura të gjykatave sepse afërmendsh ato vendosin çfarë kërkon prokuroria, apo SPAK-u, apo këto organizatat e tjera partiake”, tha Meta.
Ilir Meta: Gjykatat marrin vendime politike. Kjo është hakmarrje e qartë ndaj deputetit Salianji, për denoncimet që ka bërë kundër trafikut të drogës, ku janë të përfshirë deputetë të maxhorancës dhe është përpjekje që ai të jetë deputet i parlamentit të Shqipërisë.
Besoj se është hakmarrje dhe për fitoren e Bashkisë së Kavajës, nga një sistem kriminal drejtësie. Drejtësia është bërë partiake. Ka shumë pak akte të pavarura.
Fraksion.com
