Ish-ndihmësmjeku psikiatër: Ata që ikën me ambasadat në 1991-shin, sollën drogën në Shqipëri

Gjin Lleshi, ish-ndihmësmjek psikiatër  ka folur për punën e tij gjatë komunizmit deri në 1997-ën. Ai ka treguar se si trajtoheshin pacientët me probleme të shëndetit mendor në kohën e komunizmit, si i trajtonin të alkoolizuarit dhe të droguarit në klinikën psikiatrike ku ai punonte. Zoti Lleshi  i ftuar në emisionin Shqip nga Rudina Xhunga tha se drogat e forta u futën në Shqipëri fillimisht nga të rinjtë që ikën me ambasadat dhe më pas situata u rëndua. Edhe vetë pushtetarët thotë zoti Lleshi e dinin kush e fuste drogën në Shqipëri edhe nuk flisnin, ashtu siç nuk flasin edhe nuk bëjnë gjë sot për qindra të rinj që humbasin jetën si pasojë e përdorimit të drogave të forta.

“Unë kam punuar në vitet në psikiatri nga vitet 70 deri në vitin 1997. Dikur në QSUT ishin bashkë neurologji-psikiatri, ndërsa tani janë pavijone të ndara. Më shumë kam punuar në urgjencën psikiatrike, jo vetëm në spital por edhe në urgjenca në rastet që trajtonim jashtë spitalit, aty ku më udhëzonin të shkoja mjekët e mi. Nuk është e thjeshtë t’i bindësh të sëmurët të mjekohen qoftë në spital qoftë në shtëpi.

Arritja më e madhe për ne është t’i kurojmë në shtëpi. Ndërsa nuk ka gjë më te keqe se sa t’i marrësh pacientët me polici, t’i çosh në spital.

Në vitet që unë kam punuar ka patur shumë të sëmurë, por trajtimi ka qenë i ndryshëm. Janë mbajtur të fshehta sepse i tregonin me gisht, është i sëmurë mendor.

Në vitet 87-88 filloi një grup të rinjsh në tiranë të përdorë një ilaç që quhej pethidinë0morfinë, një ilaç që përdorej në kushte spitalore, për dhimbje. Përdorimi i këtij ilaçi tregonte se këto të rinj kishin ankthe dhe gjenin qetësi te këto droga.

Përdorimi i drogave në Shqipëri nisi rreth vitit 1992. Kanë filluar te ata të rinj që kishin ikur me ambasadat dhe i mësuan drogat në perëndim. Në urgjencë në këtë vit kemi parë njerëz nga mosha 13 deri 70 vjeç. Erdhi një moment që ata po na pushtonin urgjencën e psikiatrisë.

Filloi heroina në vitin 1992, vinte nga Turqia. U shtuan shumë. Në 1994 kam njohur për herë të parë kokainën. E kishin futur në çakmak. Ku shpërndahej kokaina?

Tek të gjithë të afërmit e pushtetarëve. Ministra, zëvendës ministra, polici, ne e dinim të gjithë. U shtuan shumë. Unë kisha të dhëna që rinia po futet në ushtri e droguar.
Në Shqipëri mund të ketë qindra të droguar në vit, por mbahen të fshehta kryesisht nga familja, nga stigma e turpit.”, thotë zoti Lleshi./dritare.net

Fraksion.com