Vrasja e Gentjan Bejtjas u bë me porosi, ekzekutorët ishin vrasës me pagesë
Florian Plaku është shpallur në kërkim si njëri prej autorëve të vrasjes së Gentian Bejtjas në mars të këtij viti para derës së banesës.
Ai ka precedentë penalë dhe është pjesë e grupeve të Vlorës.
Sipas burimeve të policisë, eliminimi i Bejtjas ishte një vrasje e porositur dhe ekzekutorët janë identifikuar si vrasës me pagesë.
Gjithashtu, në zbatim të vendimit të Gjykatës së Shkallës së Parë të Juridiksionit të Përgjithëm Tiranë, është ushtruar kontroll në ambientet e një agjensie udhëtimesh në qytetin e Lezhës, ku janë administruar pajisje elektronike dhe dokumente me vlerë për hetimin.
Prokuroria pranë Gjykatës së Shkallës së Parë të Juridiksionit të Përgjithshëm Tiranë, në vlerësim të provave dhe fakteve të administruara, ka bërë rikualifikimin e veprës penale në ngarkim të shtetasit Ilir Beqaraj alias Ilir Brahimi alias Ilir Mançellari, dhe përveç veprave penale “Falsifikimi i dokumenteve” dhe “Mbajtja pa leje dhe prodhimi i armëve, armëve shpërthyese dhe i municionit”, parashikuar nga nenet 186 dhe 278/1 të Kodit Penal, këtij shtetasi i është shtuar vepra penale “Vrasja me paramendim”, kryer në bashkëpunim, parashikuar nga neni 78 e 22 të Kodit Penal.
Fraksion.com
