33-vjetori i Pavarësisë së Ukrainës, Berisha: Akti më madhor në historinë e saj
Kryetari i Partisë Demokratike, Sali Berisha uroi sot 33-vjetorin e Pavarësisë së Ukrainës.
“Kombi martir i Ukrainës kremton sot 33-vjetorin e Pavarësisë. Pavarësia e Ukrainës ishte akti më madhor në historinë e gjatë të kombit të saj. Ky akt shënonte realizimin e aspiratave shekullore të ukrainasve për liri dhe dinjitet kombëtar dhe fundin e pushtimit imperial rus të Ukrainës”, u shpreh Berisha.
“Sot ky përvjetor gjen kombin e Ukrainës nën udhëheqjen e Presidentit Zelenski në një luftë dhe përballje me agresionin barbar rus të Vladimir Putinit. Mijëra bij dhe bija të Ukrainës kanë luftuar dhe rënë heroikisht në fushë betejë për mbrojtjen e vendit të tyre, por dhe të mbarë europës nga pushtuesit rus”, theksoi Berisha.
Berisha, duke shprehur në emër të Partisë Demokratike urimet më të mira për kombin mik ukarinas dhe autoritetet e tij për festën e pavarësisë dhe fitore ndaj agresionit të Hitlerit të sotëm të Evropës, ndau mesazhin e ambasadorit të Ukrainës në Republikën e Shqipërisë, Volodymyr Shkurov.
“Ju përgëzoj përzemërsisht festën kryesore kombëtare të popullit tonë – Ditën e Pavarësisë së Ukrainës! 33 vjet më parë, populli ynë miratoi ndërtimin e një shteti sovran dhe vetëqeverisje, të pavarur dhe të hapur, demokratik dhe ligjor të Ukrainës. Në jetën e shoqërisë ukrainase, ndodhi një ngjarje e madhe, aspirata e miliona bashkëqytetarëve tanë për të jetuar në shtetin e tyre të lirë dhe demokratik dhe megjithëse procesi i ndërtimit të shtetit ukrainas ishte objektivisht i vështirë, Ukraina ka arritur lartësi të rëndësishme në të gjitha aspektet e rivendosjes së pavarësisë së saj ekonomi dhe industri e fuqishme, ndërtimi dhe transporti, kompleks agro-industrial, teknologji të prerjes, kulturë, mjekësi dhe arsim, rini e talentuar dhe ambicioze dhe një popull që aspiron të jetojë përsëri, i çliruar nga rruga e së kaluarës totalitare”, shkruan Shkurov në mesazh.
“Por pengesë ishte lufta e Rusisë kundër shtetit tonë me pushtimin cinik të territorit ukrainas, sulmet me raketa dhe dronë mbi qytetet dhe fshatrat ukrainase, vdekjet dhe shkatërrimet e shtëpive paqësore, objekteve industriale dhe infrastrukturore, spitaleve, teatrove, muzeve, shkollave dhe kopshteve, vrasjet dhe abuzimet e civilëve”, thekson Shkurov.
“Ditën e Pavarësisë këtë vit e festojmë në ditën e 913-të të luftës së tmerrshme me ndjenjën e mirënjohjes ndaj mijëra ukrainasve që me koston e jetës së vet mbrojnë shtetin tonë në front”, nënvizon ambasadori Shkurov.
“Ne sot kujtojmë me trishtim dhe mirënjohje të pakufishme ata që vunë jetën në mbrojtje të shtetit ukrainas dhe popullit tonë nga okupatori. I përjetshëm qoftë kujtimi, mirënjohja jonë e pafundme për të gjithë të rënët për pavarësinë e atdheut dhe lirinë e popullit tonë”, shton ai.
“Urime të gjithëve për Ditën e Pavarësisë! Ju uroj secilit familjarisht, fitore mbi agresorin, qiej paqësorë, takime të ngrohta me familjen dhe njerëzit e dashur, e ardhme e lumtur për Ukrainën e lirë, të begatë. Urime për Ditën e Pavarësisë”, mbyll mesazhin e tij ambasadori i Ukrainës në Republikën e Shqipërisë, Volodymyr Shkurov.
Fraksion.com
