Rifillojnë kërkimet për të mbijetuarit e mbytjes të superjahtit në Siçili

Kërkimi për manjatin britanik të teknologjisë Mike Lynch dhe vajzën e tij adoleshente kanë rifilluar sërish të martën pasi  superjahti luksoz u mbyt në një tornado në brigjet e Siçilisë.

Mike Lynch dhe vajza e tij Hannah, 18 vjeç, janë në mesin e gjashtë turistëve të zhdukur pasi jahti, i quajtur Bayesian, u godit gjatë stuhive intensive në brigjet e Palermos në orët e para të së hënës.

Kryetari i bankës Morgan Stanley International, Jonathan Bloomer dhe avokati i Clifford Chance, Chris Morvillo janë gjithashtu në mesin e të zhdukurve, tha kreu i Mbrojtjes Civile të Siçilisë.

Anija Bayesian prej 56 metrash mbante 22 persona duke përfshirë britanikë, amerikanë dhe kanadezë kur u fundos. Pesëmbëdhjetë persona u shpëtuan duke përfshirë një nënë dhe vajzën e saj njëvjeçare.

Të mbijetuarit thanë se udhëtimi ishte organizuar nga Lynch për kolegët e tij të punës. Kërkimi për të zhdukurit do të fillonte në orën 6:30 me orën lokale (5:30 të mëngjesit në MB) të martën, raportoi gazeta italiane La Reppublica.

Fraksion.com