Ish kryetari i PD-së kthen Range Rover-in, arka e partisë ende e bllokuar

Në oborrin thuajse të boshatisur të selisë të Partisë Demokratike, për të cilën në 2 vite, demokratët u ndeshën deri në përballje fizike, luftën brenda demokratëve ta kujton vetëm një automjet i parkuar që dikur përdorej nga Lulzim Basha.

Me humbjen e gjyqit në Apel, bashkë me simbolet dhe vulën,  Basha ka dorëzuar edhe automjetin në pronësi të partisë,  që e gëzonte si aset përsa kohë ishte ligjërisht kryetar i PD.

Automjeti nuk është aseti i vetëm që duhet tek shkojë tek i Zoti. Lulzim Basha nuk ka të drejtë të “fusë” më duart as në arkën e partisë, për shkak se tashmë financat e PD-së janë në proces transferimi tek organi drejtues i Partisë Demokratike që në gjykatë rezulton të jetë Komisioni i Rithemelimit, i cili nuk ka çuar ende financierët për të marrë në dorëzim administrimin e parave pasi po ndjek të gjithë procedurat ligjore për këtë proces.

Edhe selinë me qira, në të cilin ende nuk është hequr logoja Partia Demkratike e Shqipërisë, nuk paguhet më prej qershorit me Paratë e Partisë.

Lulzim Basha do të vijojë të ushtrojë aktivitetin e tij politik në këtë seli, me shpresën se rekursi në Gjykatën e lartë do të rikthejë te ai Partinë Demokratike, e në të kundërt kjo seli mund të jetë e demokratëve-euroatlantikë, me të cilët Basha ka nisur të identifikohet e që mund të jetë një parti e re politike nën drejtimin e tij.

Fraksion.com