Dogji 10 ha tokë dhe 320 rrënjë ullinj, arrestohet 63-vjeçari në Vlorë

Policia e Selenicës vuri në pranga shtetasin B. H., 63 vjeç, banues në fshatin Kocul, Vlorë, pasi ndezi zjarr me qëllim pastrimin e barërave në kullotën e tij, në fshatin Mërtiraj.

Si pasojë e erës, zjarri ka dalë nga kontrolli dhe ka djegur një sipërfaqe toke prej 10 hektarësh, 320 rrënjë ulliri dhe bimësi të ndryshme.

Materialet procedurale i kaluan Prokurorisë së Vlorës, për veprime të metejshme, për veprën penale “Shkatërrimi i pronës me zjarr”.

Drejtoria Vendore e Policisë Vlorë apelon sërish, për të gjithë banorët dhe veçanërisht për ata që kanë në përdorim sipërfaqe kullosore, që në asnjë rast të mos shkaktojnë zjarrvënie, pasi do të përballen me ligjin.

Policia fton qytetarët që të denoncojnë në numrin 112 për çdo rast të zjarrvënies apo të paligjshmërisë në tërësi, duke iu garantuar anonimat dhe reagim të shpejtë.

Fraksion.com