Himarë, përfundon dorëzimi i materialeve zgjedhore në qendrën e numërimit

Komisioni Qendror Zgjedhor njofton se ka përfunduar dorëzimi i materialeve zgjedhore nga komisionet e qendrave të votimit në KZAZ nr. 88, ku pritet të nisë dhe procesi i numërimit të votave të garës për kreun e bashkisë së Himarës.

KQZ njoftoi se, “Komisionet e Qendrave të Votimit kanë përfunduar dorëzimin e materialeve zgjedhore në KZAZ nr. 88. Kutitë e votimit, materialet zgjedhore, pajisjet PEI dhe kamerat monitoruese të Qendrave të Votimit për 36 qendra u morën në dorëzim nga KZAZ-ja sipas procedurave të përcaktuara në Kodin Zgjedhor dhe aktet në fuqi të KQZ-së”.

“Gjatë këtij procesi, KZAZ-ja nuk konstatoi asnjë kuti të parregullt dhe përmbylli me sukses procesin e dorëzimit të materialeve zgjedhore nga Komisionet e Qendrave të Votimit”, përfundon njoftimi.

Në zgjedhjet e pjesshme për kryebashkiak të Himarës janë dy kandidatë, Vangjel Tavo i Partisë Socialiste dhe kandidati i koalicionit opozitar “Bashkë Fitojmë”, Petraq Gjikuria.

Fraksion.com