“Shqipërisë i zbulova lojtarë për 10 vitet e ardhshme”, Eliminimi , Sylvinho: Dalim me kokën lart!
Shqipëria është mposhtur me rezultatin 0 me 1 nga Spanja. Humbje që e mbyll rrugëtimin e kuqezinjve në vendin e fundit të grupit B me 1 pikë.
Në konferencën e zakonshme për shtypin, Sylvinho, trajneri i kombëtares shqiptare, analizoi rrugëtimin e kuqezinjve në grupin B të Euro 2024.
Ai tha se “Sigurisht dalim me kokën lart, ishim në grupin e vdekjes me kampion Europe dhe bote. Jam i trishtuar për rezultatin po jo për ecurinë tonë. Kemi luftuar për çdo ndeshje. Kemi luftuar deri në fund për çdo ndeshje.”, tha Sylvinho.
“Po, jam krenar për lojtarët e mi. Jam i lumtur për vendin, Federatën dhe gjithë tifozët. Kam jetuar për 1.5 vite në Tiranë, kam zbuluar lojtarë të rinj. Njerëzit mund të supozojnë që Italia do të na shënonte 3 gola, Kroacia 4 dhe Spanja 5.
Por kemi bërë punë taktike, kemi patur shumë besim. Kemi sakrifikuar, arritëm të konkurrojmë kundër tri skuadrave kombëtare të mëdha. Kemi punuar gjatë, 5-6 muaj pa pushim. Tani dua të pushoj ca.
Spanja është kombëtare e madhe, ata kanë lojtarë shumë të mirë dhe të shpejtë. Skuadër e gatshme për të fituar, njëra nga favoritet për fitimin e Europianit.
Shorti dhe grupi ishin të vështirë. Nuk jemi mësuar të luajmë në kompeticione të tilla. Shqipërisë i zbulova lojtarë për 10 vitet e ardhshme.
Kam kaluar shumë netë pa gjumë duke ëndërruar se si duhet të luanim përballë skuadrave të tilla. Arritëm të ishim kundërshtarë dinjitozë, nuk kemi keqardhje. Urime për lojtarët, Shqipëria është krenarë me ne.
Synimi i Shqipërisë është të luajmë në evenimente të tilla, të arrijmë në nivele më të larta duke mësuar e duke u përmirësuar. Kemi synime të qarta, kemi lojtarët e duhur. Na pret një punë e madhe, por kemi materialin e duhur.
Po të ishim në një grup tjetër? Nuk do e ndryshoja eksperiencën e përballjes dhe presionit të të luajturit kundër Italisë, Kroacisë dhe Spanjës. Lojtarët e mi dhanë gjithçka kishin, do e mbajnë mend gjithmonë këtë përvojë kaq të vlefshme.
Jam shumë i lumtur, edhe për faktin që askush nuk na dominuar plotësisht. Kam marrë përgjigje shumë të mira, kjo është diçka e artë. Nuk do të kisha ndryshuar asgjë.
Broja dhe Hoxha? Jo, nuk kemi bërë zëvendësime të gabuara. Bëmë atë që duhej, por ishte shumë e vështirë. Spanja ka lojtarë të mrekullueshëm. Ishim përgatitur për kundërsulme, organizim dhe tranzicione të duhura. Kështu u kualifikuam në Europian.
Dua të falënderoj gjithë tifozët, të cilët na kanë përkrahur pavarësisht rezultateve, në çdo ndeshje. Jemi përkrahur nga të gjithë, edhe nga të rinj 15, 16 apo 17-vjeçarë, të cilët nuk e kanë parë kurrë Shqipërinë duke luajtur në Europian. Ishte një përvojë e artë.
Duhet të falenderoj federatën dhe të gjithë. Përpara kemi Nations League dhe më pas kemi kualifikueset e Botërorit. Do të ishte bukur të provonim dhe emocionet e Botërorit
Ndjesia e ballafaqimit me tifozët? Përkrahës të skajshëm, i shoh edhe në Tiranë ku jetoj e punoj. E shoh vlerësimin e njerëzve ndaj punës që kemi bërë. Jemi të gjithë të lumtur për atë që kemi arritur”.
Fraksion.com
