“Përpjekjet kundër korrupsionit dhe mirëqeverisjen”, Ambasada: Koordinatori i DASH vizitë në Shqipëri

Koordinatori amerikan kundër korrupsionit global, Richard Nephew nisi sot vizitën e tij në Shqipëri.

I Ngarkuari me Punë i Ambasadës amerikane në Tiranë, David Wisner njoftoi në rrjetet sociale për vizitën e Richard Nephew, Koordinator i Departamentit të Shtetit të SHBA për Anti-Korrupsionin Global.

“Nephew po viziton Shqipërinë për të riafirmuar mbështetjen e Shteteve të Bashkuara për reformën në drejtësi, përpjekjet kundër korrupsionit dhe mirëqeverisjen”, u shpreh Wisner.

“Gjatë qëndrimit në Shqipëri, ai do të takohet me drejtues të sistemit të drejtësisë dhe shoqërisë civile shqiptare, si dhe me zyrtarë publikë”, tha Wisner.

DASH njoftoi më herët se Nephew do të diskutojë për punën që po bëhet në luftën kundër korrupsionit dhe fushat për bashkëpunim të mëtejshëm në përpjekjet kundër korrupsionit

“Sot mirëpresim Richard Nephew, Koordinator i Departamentit të Shtetit të SHBA për Anti-Korrupsionin Global. Nephew po viziton Shqipërinë për të riafirmuar mbështetjen e Shteteve të Bashkuara për reformën në drejtësi, përpjekjet kundër korrupsionit dhe mirëqeverisjen.

Gjatë qëndrimit në Shqipëri, ai do të takohet me drejtues të sistemit të drejtësisë dhe shoqërisë civile shqiptare, si dhe me zyrtarë publikë”, shkruan ambasada amerikane në Tiranë.

Fraksion.com