“U pyet për tre orë në SPAK”, Meta pas daljes: U thirra si kundërshtar i Dum Dumanit

Për gati 3 orë e gjysmë, Presidenti i Partisë së Lirisë, Ilir Meta është marrë sot në pyetje nga prokurorët e SPAK.

Pasi la ambientet e Prokurorisë së Posaçme, Meta lëshoi akuza në drejtim të Altin Dumanit dhe Ramës. Ai tha se u pyet në cilësinë e kundërshtarit të narko-shtetit.

“Ju e dini që SPAK është kthyer falë Dum Dumanit në një parti bashkëqeverisëse e Edi Ramës. Unë jam pyetur 3 orë kot më kot. U pyeta në cilësinë e kundërshtarit të këtij narko shtetit që e mban në këmbë Dum Dumani, që në vend që të hetojë McGonigal dhe të ndalojë Edi Ramën dhe inceneratorët dhe Portin e Durrësit, merret me laraskat dhe përrallat e tij. Tani po iki se kam tryezën, kam sipërmarrjen. Këtë do Dum Dumani. Që mos të merremi me gjë ne, këtë detyrë i ka caktuar Edi Rama Dum Dumanit”, tha Meta.

Insistimit të gazetarëve teksa largohej, Meta iu përgjigj: “Jam pyetur si kundërshtar i narko-regjimit, që kërkon të mbahet me Dum Dumanin tuaj. Dum Dumani që bën të gjitha ato akte kriminale kundër opozitës për të shpëtuar Edi  Ramën”.

Fraksion.com