PS kërkon masë disiplinore për 5 deputetë të opozitës, pasi bllokuan foltoren e Kuvendit

Partia Socialiste kërkon masë disiplinore për 5 deputetë të opozitës, pasi akuzohen se bllokuan foltoren e Kuvendit. Bëhet fjalë për; Gazment Bardhin, Luan Baçin, Flamur Nokën, Edi Paloka dhe Ervin Salianjin.

PS i kërkoi kështu sot Sekretariatit për Procedurat, Votimet dhe Etikën masa displinore për 5 deputetë të grupit parlamentar të PD-së.

Kjo kërkesë vjen pas bllokimit të foltores dhe kaosit të shkaktuar në seancën e shkuar.

Mazhoranca  tha se kërkon ndëshkim për Flamur Nokën, i cili u përjashtua nga seanca nga kryetarja e Kuvendit, Lindita Nikolla pasi përdori gjuhë fyese.

Gjithashtu masë kërkohet edhe për Gazment Bardhin, Edi Palokën, Ervin Salianjin dhe Luan Baçin.

Sekretariati për Procedurat, Votimet dhe Etikën do të mblidhet  ditën  e sotme, ora 13.00,  për shqyrtimin e kësaj kërkese.