Mjeku britanik doli për shëtitje në ishullin grek dhe nuk u duk më: “Nuk ka gjurmë të tij”
Rojet bregdetare, qentë e policisë, helikopterët dhe personeli i urgjencës po kërkojnë 67-vjeçarin që u zhduk në ishullin grek dy ditë më parë.
Polici tha për “The Telegraph” të premten se autoritetet bregdetare janë angazhuar të kërkojnë babanë e katër fëmijëve, që u zhduk gjatë shëtitjes, ditën e mërkurë.
Ende nuk dihet nëse është mbytur apo jo.
Mosley u pa për herë të fundit kur u nis për ecje përgjatë plazhit të Shën Nikollës në orën 13:30, sipas kohës lokale, të mërkurën, raportoi “The Guardian”. Gruaja e tij, Dr. Clare Bailey, kontaktoi autoritetet rreth orës 19:30.
Në ishull paralajmëruan për ngritje të temperaturave. Temperaturat u ngritën deri në 48 gradë Celsius të premten, ndërsa ditën kur u zhduk Mosley, temperaturat shkuan deri në 40 gradë Celsius. Policia greke tha se telefoni i tij ishte lënë në plazh në të njëjtën kohë kur ai u zhduk.
Nuk ka asnjë gjurmë të tij. Asnjë, tha Constantina Dimoglidou, një zëdhënëse e lartë e policisë, për “The Telegraph”. Kjo do të thotë që, të paktën për ne, çdo skenar i mundshëm është i hapur dhe po hetohet.
Ndërsa një grua që jetonte në atë zonë u shpreh se zhdukja e doktor Mosley-t ishte e çuditshme, sepse rruga që ka përshkruar ishte relativisht e lehtë.
Është vend i qetë… Po të shihni hartën e zonës, është shteg i pastër, nuk ka asnjë rrezikshmëri. Shumë njerëz shkojnë çdo ditë, prandaj është shumë e çuditshme.
Mosley është kolumnist për “Daily Mail” dhe është i njohur për bashkautorësinë e librit, “The Fast Diet”, me gazetaren Mimi Spencer. Ai gjithashtu prezantoi dietën “Fast 800”.
Ai u nominua në vitin 2002 për çmimin “Emmy” si producent ekzekutiv për dokumentarin shkencor të BBC-së, “The Human Face”.
Mosley është shfaqur në dokumentarë të shumtë, duke përfshirë shfaqjen e “Channel 4”, “Michael Mosley: Who Made Britain Fat?” dhe serialin e BBC-së “Trust Me, I’m a Doctor”, sipas “The Telegram”.
Kërkimi pritet të zgjerohet gjatë ditës së sotme sipas “The Guardian”.
Fraksion.com
