Kandidatja e partisë së majtë në pushtet, Sheinbaum, presidentja e parë femër e Meksikës

Shkencëtarja e klimës Claudia Sheinbaum mbajti një epërsi të pakthyeshme të dielën në garën që do ta bënte atë presidenten e parë femër të Meksikës, sipas një numërimi të shpejtë zyrtar.

Kandidatja e partisë qeverisëse bëri fushatë për të vazhduar kursin politik të vendosur gjatë gjashtë viteve të fundit nga mentori i saj politik, presidenti Andrés Manuel López Obrador.

Claudia Sheinbaum pritet të bëhet presidentja e parë grua e Meksikës, tregojnë exit poll-et.

Sipas tyre, ajo do të sigurojë rreth 56% të votave nga zgjedhjet e së dielës, duke mposhtur bindshëm rivalen e saj kryesore, biznesmenen Xochitl Galvez.

Nëse konfirmohen exit poll-et, Sheinbaum do ta zëvendësojë mentorin e saj, presidentin në largim, Andres Manuel Lopez Obrador, nisur nga 1 tetori.

Sheinbaum premtoi vazhdimësi të politikave të tij, duke thënë se do t’i ndjekë “përparimet” e bëra nga Lopez Obrador.

Partia e tyre Morena e shpalli tashmë fitoren, por Galvez u kërkoi mbështetësve të saj t’i presin rezultatet zyrtare, që do të bëhen publike gjatë ditës së hënë.

Zgjedhjet, të cilat përballën Sheinbaumin dhe Galvezin, u përshkruan si një ndryshim i madh për të drejtat e grave në Meksikë.

Sheinbaum, 61 vjeçe, shërbeu më herët si kryetare e Meksiko Sitit.

Kjo ishte hera e parë në Meksikë që dy kundërshtarët kryesorë ishin femra.

Fraksion.com