U qëllua 5 herë më armë zjarri, kryeministri sllovak Robert Fico del nga spitali

Kryeministri sllovak Robert Fico ka dalë nga spitali, pak më shumë se dy javë pasi u qëllua në një atentat kur po dilte nga një mbledhje e qeverisë, tha një zëdhënëse e qeverisë.

59-vjeçari ishte në një gjendje kritike pasi u qëllua pesë herë nga një person i armatosur në qytetin qendror të Sllovakisë Handlova, ku ai kishte qenë duke kryesuar një mbledhje të qeverisë.

Ai fillimisht u dërgua në një spital lokal, përpara se të dërgohej në një spital në qytetin qendror të Banska Bystrica, ku iu nënshtrua një operacioni më shumë se pesë orësh menjëherë dhe një tjetër dy ditë më vonë.

“Fico qëndroi atje deri më sot, kur doli dhe u dërgua në banesën e tij në Bratislavë”, zbuloi zëdhënësja.

“Robert Fico u transportua nga spitali ynë në Bratislavë në orët e mbrëmjes,” i tha AFP zëdhënësja e spitalit të Banska Bystrica, Ruzena Mataseje.

Fraksion.com