Mes lotësh dhe të shtënave me armë, Mirlind Daku mëson nga TV ftesën e Kombëtares në EURO2024

Moment emocionues për Mirlind Dakun dhe çdo shqiptar. Sulmuesi është përzgjedhur nga trajneri Sylvinho për të përfaqësuar Kombëtaren Shqiptare në ‘Euro 2024’. Daku e ka pritur lajmin me emocione të mëdha, teksa gjithçka e mësoi nga televizori në momentin e publikimit të listës së lojtarëve të grumbulluar.

Siç shihet ai nuk i ka mbajtur dot lotët teksa ndante këtë moment të rëndësishëm me familjen e tij. Në një video të publikuar nga gazetari Arlind Sadiku, duket se gëzimi në familjen e Dakut ka qenë i papërmbajtshëm, me festime të veçanta “alla-shqiptarçe”, me të shtëna në ajër.

Ky thirrje në Kombëtaren Shqiptare për Daku-n është një arritje e madhe dhe një moment krenarie jo vetëm për të, por edhe për të gjithë familjen e tij. Me performancën e tij të shkëlqyer në Rubin Kazan, Daku ka treguar se është gati për të përfaqësuar Shqipërinë në një nga ngjarjet më të rëndësishme sportive në Europë.

Fraksion.com