Çfarë lidhje ka Amal Clooney me urdhër-arrestet për kryeministrin izraelit dhe liderin e Hamasit?

22 Maj, 2024 admin

Prokurori i ‘Gjykatës Penale Ndërkombëtare në Hagë’, Karim Ahmad Khan, ka bërë të ditur se ka dorëzuar në ‘Dhomën e Procedurës Paraprake’ të gjykatës kërkesën për urdhërarrest lidhur me situatën në shtetin e Palestinës. Këto mandate janë për Yahya Sinwar, liderin e Hamasit, me Mohammed Deif dhe Ismail Haniyeh, por edhe për Benjamin Netanyahu dhe Yoav Gallant, kryeministri izraelit dhe ministër i Mbrojtjes. Akuza është “krime kundër njerëzimit dhe luftë”. Gjithashtu në mesin e ekipit të konsulentëve që çuan këto kërkesa është Amal Clooney, avokate e të drejtave civile dhe gruaja e aktorit George Clooney.

Amal Alamuddin, e martuar me Clooney, nuk e kishte shprehur publikisht opinionin e saj për situatën në Gaza dhe ndoshta nuk e kishte bërë këtë pikërisht sepse ishte konsulente në mesin e ekspertëve të së drejtës ndërkombëtare që bashkëpunonte me prokurorin. Me konsulentë të tjerë ajo nënshkroi një editorial në Financial Times duke shpjeguar rolin e saj. Kjo mund të lexohet në faqen e internetit të fondacionit që ajo ndan me burrin e saj.

“Më shumë se katër muaj më parë, Prokurori i Gjykatës Penale Ndërkombëtare më kërkoi ta ndihmoja në vlerësimin e provave të krimeve të dyshuara të luftës dhe krimeve kundër njerëzimit në Izrael dhe Gaza. Unë rashë dakord dhe iu bashkova një grupi ekspertësh ndërkombëtarë ligjorë për të marrë përsipër këtë detyrë. Së bashku jemi angazhuar në një proces të gjerë të shqyrtimit të provave dhe analizave ligjore, duke përfshirë Gjykatën Penale Ndërkombëtare në Hagë”.

Dhe ajo shton: “Ne kemi vendosur njëzëri se Gjykata ka juridiksion mbi krimet e kryera në Palestinë dhe nga qytetarët palestinezë. Ne konkludojmë unanimisht se ka arsye për të besuar se liderët e Hamasit, Yahya Sinwar, Mohammed Deif dhe Ismail Haniyeh kanë kryer krime lufte dhe krime kundër njerëzimit, duke përfshirë pengmarrjen, vrasjen dhe krimet e dhunës seksuale. Njëzëri konkludojmë se ka arsye për të besuar se kryeministri izraelit Benjamin Netanyahu dhe ministri izraelit i mbrojtjes Yoav Gallant kanë kryer krime lufte dhe krime kundër njerëzimit, duke përfshirë urinë si një metodë lufte, vrasje, persekutim dhe shfarosje në grup sepse besoj në sundimin e ligjit dhe në nevojën për të mbrojtur jetët e civilëve”.

Amal Clooney më pas shpjegon se ligji që mbron civilët në luftë është krijuar më shumë se 100 vjet më parë dhe zbatohet në çdo vend të botës, pavarësisht nga arsyet e konfliktit. “Si avokate e të drejtave të njeriut, nuk do të pranoj kurrë që jeta e një fëmije të ketë më pak vlerë se ajo e një tjetri. Nuk pranoj që çdo konflikt të jetë jashtë kufijve të ligjit dhe as që ndonjë autor të jetë mbi ligjin. Prandaj, unë mbështes hapin historik të ndërmarrë nga Prokurori i Gjykatës Ndërkombëtare Penale për të sjellë drejtësi për viktimat e mizorive në Izrael dhe Palestinë. Sot, kolegët e mi dhe unë botuam një editorial dhe një raport ligjor të detajuar mbi gjetjet. Qasja ime nuk është të jap një koment të vazhdueshëm të punës sime, por ta lë punën të flasë vetë. Shpresoj se dëshmitarët do të bashkëpunojnë në hetimin që po zhvillohet. Dhe shpresoj që drejtësia të mbizotërojë në një rajon që tashmë ka vuajtur shumë”.

Reagimet ndërkombëtare ndaj kërkesave për urdhër-arreste ishin të menjëhershme. Për Netanyahun “kërkesa për një urdhër arresti është një antisemitizëm i ri”. “Kërkesa e prokurorit të Gjykatës Penale Ndërkombëtare (ICC) për urdhër-arreste ndaj liderëve izraelitë është skandaloze”,tha presidenti amerikan Joe Biden, i cili përsëriti praninë e SHBA-së përkrah Izraelit.

Udhëheqësi i opozitës izraelite Yair Lapid tha se “Netanyahu duhet të njoftojë se dëshiron të hapë negociatat me sauditët, duke përfshirë komponentin palestinez”.

Kina tha se shpresonte që Gjykata Penale Ndërkombëtare të mbajë një qëndrim objektiv dhe të paanshëm Franca shprehu mbështetje për prokurorin e Gjykatës Ndërkombëtare Penale. Për Gjermaninë, megjithatë, përshtypja e ekuivalencës midis Izraelit dhe Hamasit është “e rreme”.

Fraksion.com

You May Also Like