Cameron sot në Tiranë, takime me Begajn dhe Ramën

Sekretari i Jashtëm i Britanisë së Madhe, David Cameron mbërrin sot në Tiranë në vizitë zyrtare ku do të ketë takime me Kryeministrin Edi Rama dhe Presidentin Bajram Begaj.

Mësohet se pritja në Kryeministri do të zhvillohet në orën 12:00, teksa konferenca për mediet në orën 13:00.

Më Pas, Cameron do të takojë Presidentin Begaj dhe me ministrin për Evropën dhe Punët e Jashtme, Igli Hasani.

Tirana sot ka veshur me ngjyrat e flamurit të Britanisë së Madhe ndërsa tek godina e korpusit të Universitetit të Tiranës është vendosur portreti i tij me mbishkrimin që i uron mirëseardhjen.

Ambasada britanike në Tiranë njoftoi se “Sekretari i Jashtëm britanik do të nënvizojë suksesin e partneritetit tonë inovativ për t’i bërë ballë trafikantëve të qenieve njerëzore dhe emigracionit të paligjshëm si dhe ndikimin e investimeve britanike në parandalimin e emigracionit”.

Fraksion.com