Vdekja e presidentit të Iranit, reagojnë liderët botërorë

Liderë nga Lindja e Mesme dhe më gjerë kanë shprehur ngushëllime pas lajmit për vdekjen e presidentit iranian Ebrahim Raisi dhe tetë personave të tjerë, që humbën jetë  nga rrëzimi i helikopterit të dielën pasdite. Në mesin e atyre që humbën jetën është edhe ministri i Jashtëm i Iranit, Hossein Amir-Abdollahian.

Kryeministri i Indisë Narendra Modi ka shkruar në platformën sociale X se është shumë i prekur dhe thellë i shqetësuar nga tragjedia e Dr. Seyed Ebrahim Raisi, president i Republikës Islamike të Iranit.

“Kontributi i tij në forcimin e marrëdhënieve dypalëshe Indi-Iran do të mbahet mend gjithmonë. Ngushëllimet e mia të përzemërta familjes së tij dhe popullit të Iranit. India qëndron me Iranin në këtë kohë trishtimi”, ka shkruar Modi.

Kryeministri i Irakut, Mohammed Shia’ Al Sudani ka shprehur ngushëllime për liderin suprem iranian, yatollah Ali Khamenei Ayatollah Ali Khamenei dhe qeverinë e tij në një postim në X.

“Ne shprehim solidaritetin tonë me popullin vëlla iranian dhe zyrtarët tanë vëllezër në Republika Islamike në këtë tragjedi të dhimbshme”, ka shkrua Al Sudani.

Kryeministri i Pakistanit Shehbaz Sharif tha se vendi i tij do të mbajë një ditë zie dhe flamuri do të valëvitet në gjysmështizë, si shenjë respekti për presidentin Raisi dhe miqtë e tij e në solidaritet me Iranin “vëlla”.

“Nga tokat bolivariane, ne i shprehim ngushëllimet tona më të thella udhëheqësit suprem Ayatollah Ali Khamenei dhe dëshirojmë ngushëllim hyjnor për një humbje kaq të ndjeshme”, tha ai.

Presidenti i Emirateve të Bashkuara Arabe Mohammed bin Zayed Al Nahyan u shpreh se Emiratet e Bashkuara Arabe qëndrojnë në solidaritet me Iranin në këtë kohë të vështirë, duke shprehur ngushëllime të përzemërta për familjet e atyre që humbën jetën.

Fraksion.com