U godit nga anija, për 10 sekonda ura në SHBA shembet tërësisht

Një urë në qytetin amerikan të Baltimores është shembur tërësisht pasi është goditur nga një anije me kontejnerë që po lundronte në ujërat e lumit Parapsco.

Nga informacionet paraprake, 7 persona dhe disa automjete që po lëvizin në urë dyshohet se kanë rënë në lumë në momentin e incidentit.

“Ne jemi akoma në një pozicion aktiv kërkim-shpëtimi dhe do të vazhdojmë të jemi për disa kohë pasi kemi një zonë të madhe ku duhet të kërkojmë”, ka thënë shefi i policisë në një konferencë për shtyp.

Akoma nuk dihet nëse ka viktima, ndërsa aktualisht po zhvillohet një operacion i madh shpëtimi nga shumë agjenci në SHBA.

Ndërkohë, shefi i policisë së Baltimores, Hames Wallace ka deklaruar se 2 persona janë shpëtuar nga ekipet e kërkim-shpëtimit teksa ka shtuar se njëri prej tyre paraqitet në gjendje të rëndë shëndetësore.

Ngjarja ka ndodhur sot rreth orës 01:30 të mëngjesit në SHBA, ndërsa me kohën lokale në 06:30.

Autoriteti i Transportit konfirmon se të gjitha korsitë janë mbyllur në të dy drejtimet për shkak të shembjes së urës në Baltimore.

Ura që u shemb në Baltimore quhet Ura e Francis Scott Key (shkurt Ura Key). Është 3 km e gjatë dhe është pjesë e autostradës 695 që rrethon Baltimoren.

Foto: Ura e fotografuar në vitin 2020

Sipas të dhënave të gjurmimit të anijeve, Ura Key në qytetin amerikan të Baltimores u godit nga anija e kontejnerëve Dali me flamurin e Singaporit. Anija është 300 metra e gjatë dhe ishte rrugës për në Colombo në Sri Lanka.

Fraksion.com