U qëllua me automatik, 54-vjeçari në Lezhë sapo kishte lënë fëmijët te dera e shkollës
Personi që u qëllua me armë zjarri mëngjesin e sotëm në fshatin Rrile të Lezhës është 54-vjeçari Agron Puka.
Shënjestra e sulmit, Agron Puka, sapo kishte dërguar fëmijët e tij në shkollë me makinë, kur i është bërë pritë me breshëri automatiku.
Për pasojë ai ka marrë plagë në trup. E gjithë ngjarja ka ndodhur pranë dyerve të shkollës së Rriles ku janë traumatizuar edhe nxënësit e shumtë që ndodheshin në vendngjarje.
Për momentin ndodhet në spital dhe jashtë rrezikut për jetën. Sipas burimeve Puka ka marrë një plumb në krahun e tij.
Shërbimet e Policisë, me marrjen e njoftimin, kanë shkuar menjëherë ne vendngjarje, është rrethuar zona dhe janë ngritur pika kontrolli.
Njëkohësisht, në ndihmë të Policisë vendore, janë nisur Forcat Kombëtare të Sigurisë të Njësisë Shkodër.
Grupi hetimor, në drejtimin e Prokurorisë, vijon punën për sqarimin e rrethanave të ngjarjes dhe për identifikimin dhe kapjen e autorit”, thuhet në njoftimin e policisë.
Fraksion.com
