Ministri i Mbrojtjes Niko Peleshi rreth 2 orë e gjysmë në SPAK
Ministri i Mbrojtjes Niko Peleshi është paraqitur mëngjesin e të martës në dyert e Prokurorisë Speciale Kundër Krimit të Organizuar dhe Korrupsionit.
Ai iu përgjigj fletëthirrjes për t’u paraqitur në orën 10:00 në SPAK dhe qëndroi për rreth 2 orë e gjysmë.
Ende nuk dihet se përse prokurorët e posaçëm e thirrën ministrin e Mbrojtjes.
Në dalje të Prokurorisë së Posaçme, Ministri i Mbrojtjes nuk ka ndarë asnjë informacion me median. “Nuk kam asgjë për të thënë”, tha Peleshi.
Fraksion.com
