Vrau babanë, policia dyshon se ka dhe persona të tjerë të përfshirë! Arma s’është gjetur ende

Një ngjarje e rendë ka ndodhur në Durrës pasi një 19-vjeçare, Hygerta Meta është arrestuar dhe dyshohet se ka vrarë babanë e saj Pëllumb Meta dhe e ka varrosur në oborrin e banesës.

Hygerta Meta dyshohet se ka vrarë 50-vjeçarin Pëllumb Meta, pasi ai ka dashur ta fejojë pa dëshirën e saj.

Vajza ishte studente në vitin e parë në degën Ekonomi-biznes dhe nuk pranonte të fejohej, pasi donte të vazhdonte shkollën.

Babai donte ta fejonte vajzën me një djalë nga fshati i saj, Shënvlash, por që rrinte në emigrim.

Pas vrasjes, e reja e ka mbështjellë trupin me qese plastike dhe e ka varrosur në oborr.

Ndërkohë policia ka shumë pikëpyetje për të vërtetën e kësaj ngjarje, pasi arma e krimit ende nuk është gjetur.

Dyshimet janë se mund të ketë edhe persona të tjerë të implikuar në krim kjo duke u nisur nga dinamika e ngjarjes e cila ende ka pika të dyshimta.

Ndërkohë, familjarë të tjerë dyshohet se mund të jenë përfshirë dhe të kenë pasur dijeni për ngjarjen, duke ndihmuar edhe në fshehjen e trupit.

Vajza ka thënë se ka qenë ajo që e ka çuar makinën e babait në sektorin Rinia.

“Gjithashtu, nga hetimet dyshohet se autore e vrasjes së 50-vjeçarit është vajza e tij, shtetasja H. M., 19 vjeçe, e cila është arrestuar për veprën penale “Vrasja për shkak të marrëdhënieve familjare”.  

Shtetasja H. M. ka deklaruar se motivi i vrasjes ka qenë nxitja prej babait, për t’u fejuar pa dëshirën e saj, si dhe konfliktet familjare që kanë patur”, njofton policia

Fraksion.com