Katër të vdekur nga zjarri në një ndërtesë apartamentesh në Spanjë
Autoritetet spanjolle thanë se të paktën katër veta humbën jetën nga pasojat e një zjarri që përfshiu një ndërtesë apartamentesh në Valencia në Spanjën lindore dhe deri 14 llogariten të zhdukur.
Kryebashkiakja e Valencias, Maria Jose Catala, u tha gazetarëve se zjarrfikësit arritën të konfirmojnë se katër persona kanë vdekur. Pesëmbëdhjetë persona mbetën të plagosur, gjashtë prej tyre zjarrfikës, por jeta e tyre nuk është në rrezik.
Zjarrfikësit po inspektojnë ndërtesën me vinça dhe dronë për të vlerësuar rrezikun e shembjes së saj përpara se të hyjnë brenda, tha zonja Catala.
Pamjet televizive shfaqën fasadën e ndërtesës ndërsa digjej gjatë natës, me segmente të djegura që binin në trotuar dhe shpërthime të vogla që dëgjoheshin brenda. Dëshmitarët thanë se zjarri, i nxitur edhe erërat e forta, u përhap në gjithë ndërtesën brenda një gjysmë ore.
Kryeministri spanjoll Pedro Sanchez u nis për në vendin e ngjarjes pasi shprehu mbështetjen për të prekurit dhe përgëzoi zjarrfikësit.
Consternado ante el terrible incendio en un edificio de Valencia.
Acabo de hablar con el presidente @carlos_mazon_ y la alcaldesa @mjosecatala para conocer de primera mano la situación y ofrecer toda la ayuda que sea necesaria.
Quiero trasladar mi solidaridad a todas las…
— Pedro Sánchez (@sanchezcastejon) February 22, 2024
Qyteti shpalli tre ditë zie dhe pezulloi fillimin e një festivali vjetor.
Fraksion.com
