Gruaja e Alexey Navalny: Autoritetet ruse fshehin trupin e tij, presin të zhduken gjurmët e helmimit

Julia Navalnaya tha të hënën se autoritetet ruse po fshehin trupin e burrit të saj dhe “gënjyen në mënyrë patetike”, ndërsa presin që gjurmët e helmimit të zhduken.

Vërejtjet e saj, pjesë e një fjalimi 8-minutësh të shpërndarë në platformat e mediave sociale të bashkëshortit të saj, iu referuan “gjurmëve të një tjetër prej Novichokëve të Putinit (Presidentit Vladimir) që do të zhdukeshin”.

Novichok është një helm i përdorur te Navalny në gusht 2020. Një hetim i CNN dhe Bellingcat zbuloi më vonë se një skuadër e shërbimit të inteligjencës ruse ia mbolli helmin në të brendshmet e tij.

Navalny u kthye në Rusi në vitin 2021 pasi u trajtua në Gjermani për helmimin nga Novichok.

Kujtojmë se Novichok, që do të thotë “i ardhur” në rusisht, u zhvillua për herë të parë në fshehtësi nga Bashkimi Sovjetik gjatë Luftës së Ftohtë në vitet 1980, si një mjet për të kundërshtuar mbrojtjen e armëve kimike të SHBA.

Ekzistenca e tij mbeti sekret deri në mesin e viteve nëntëdhjetë, kur informacioni në lidhje me prodhimin e tij u zbulua si pjesë e një rrjedhjeje të qëllimshme nga shkencëtari i pakënaqur sovjetik dhe sinjalizuesi Vil Mirzayanov. Edhe sot, asnjë vend jashtë Rusisë nuk dihet të ketë zhvilluar këtë substancë.

Lexoni më tepër se si funksionon

Fraksion.com