Demokracia po asfiksohet”, Roshi për bashkimin e partive opozitare: Vendimmarrja të jetë me shumicë të cilësuar

Partitë opozitare po mbajnë një takim në kuadër të bashkimit dhe krijimit të konfederatës.

Deputeti Artur Roshi tha se për të zhdukur çdo alibi për rolin e individit, vendimmarrja në konfederatë duhet të bëhet me shumicë të cilësuar prej 4/5.

“Vlerësoj nismën dhe përkushtimin e iniciatorëve dhe kolegëve që e përkrahën dhe mbështetën iniciativën.
Të gjithë e dinë sa e vështirë është të rregullosh gabimet që njihen si të vërteta. Këto janë fjalët e Mit’hat Frashërit.

Në kontekstin filozofik sipas tij e e vërteta është e drejta. Është e drejtë të vijojë qeverisja e sotme, shqiptarët thonë jo. Demokracia po asfiksohet. Në sfond kemi një aromë diktature, njerëzit janë lodhur, po lënë vendin sepse kanë humbur shpresën.
Roli i individit në këtë bashkim, të mos jetë përcaktues në vendime, mendoj se është e zgjidhshme
Kur autoriteti vendoset me votimin, është i ligjshëm dhe i moralshëm. Kur është kundër shumicës që kanë të drejtën e votës dhe fiton verdikti i individit, është i dëmshme. Vendimmarrja të jetë në një shumicë të cilësuar 4/5 për veprimet”, tha ai.

Fraksion.com