Qesh kur shoku i tij i ekipit humb penalltinë! Plasin komentet për Lionel Mesin, tifozët kundër “pleshtit argjentinas: U tall me të gjithë

Vissel Kobe dhe Inter Miami zhvilluan sot në Tokio një ndeshje miqësore, të cilën klubi japonez e fitoi me penallti. Lionel Messi gjithashtu luajti për kënaqësinë e tifozëve të pranishëm dhe tregoi pse ai është ende në fushën e blertë.

Megjithatë, ajo që është historia kryesore e kësaj ndeshje është se Lionel Messi luajti edhe pse u spekulua se argjentinasi mund të humbasë ndeshjen në Tokio. Madje disa tifozë u larguan nga stadiumi kur panë që Messi nuk ishte në formacion, por argjentinasi mori gjysmë ore në pjesën e dytë për kënaqësinë e të gjithëve në stadium dhe tregoi gjithë klasin e tij.

Por shumë polemika janë hapur për Mesin në rrjetet sociale për mënyrën sesi reagoi pasi shoku i tij i ekipit humbi penalltinë. Argjentinasi filloi që të qesh, ndërsa sipas tifozëve, kjo tregon një mungesë respekti ndaj shokut të ekipit dhe njëkohësisht ndaj organizatorëve, që u munduan të jenë sa më korrekt në zhvillimin e këtij turneu. /Sport Ekspres