“Deputetët e opozitës çanë kordonin e Gradës”, Spiropali: U ngjit malit lart përpjetë, çetë e vogël me tre vetë
Ministrja e Shtetit për Marrëdhëniet me Parlamentin, Elisa Spiropali ka komentuar zhvillimet në Kuvend dhe bllokimin e punimeve të seancës plenare nga deputetët e opozitës ditën e djeshme.
“Brenda dhe jashtë sallës plenare, u ngjit malit lart përpjetë çetë e vogël me tre vetë”, shkruan Spiropali.
Ndërkohë ministrja ndau edhe momente nga mbledhja e komisionit për Çështjet Europiane, ku prezantoi projektligjin për disa shtesa dhe ndryshime në ligjin për “Për Prokurimin Publik”.
Sipas saj, “ky ligj ndihmon në luftën kundër korrupsionit, thellimin e transparencës, rritjen e eficencës së administratës publike, si dhe sjell lehtësimin e procedurave për operatorët ekonomikë”.
“Nevoja për rishikimin e këtij ligji vjen në kuadër të procesit të integrimit dhe synohet përafrimi i mëtejshëm i legjislacionit me dy direktiva të Bashkimit Evropian, si dhe në vijimësi të angazhimeve të marra në takimin dypalësh për kapitullin V ‘Prokurimi publik’ në Bruksel, në lidhje me procesin screening”, tha ajo.
Kujtojmë se seanca plenare edhe këtë të hënë u mbyll në një minutash tepër të shkurtër, rreth 15 minuta. Kjo pasi deputetët e opozitës të cilët janë përjashtuar për disa ditë nga seanca, kanë mundur të çajnë kordonin e Gradës dhe të futen në sallë. Pas tensioneve të krijuara, ku veç zhurmave dhe fyerjeve të drejtuara për mazhorancën, disa nga deputetët kanë gjuajtur me sende drejt Edi Ramës dhe Lindita Nikollës, e si rrjedhojë kjo e fundit mbylli seancën.
Fraksion.com
