Mbrojtja ajrore e Sirisë iu përgjigj sulmeve të Izraelit, raportojnë mediat shtetërore siriane

Mbrojtja ajrore siriane i është përgjigjur sulmeve të nisura nga avionët izraelitë, njoftoi të premten media shtetërore e vendit.

“Rreth orës 4:20 të mëngjesit të sotëm, armiku izraelit nisi një sulm ajror nga drejtimi i Golanit të pushtuar sirian, duke synuar disa pika në jug të Damaskut”, tha agjencia e lajmeve SANA, duke cituar një burim ushtarak.

Mbrojtja ajrore siriane kapi me sukses disa nga raketat dhe ato që nuk i rrëzoi shkaktuan “humbje materiale” të kufizuara, thuhet në raport.

CNN ka kërkuar nga Forcat e Mbrojtjes të Izraelit (IDF) për koment mbi pretendimin. IDF zakonisht thotë se nuk komenton raportet e mediave të huaja.

Fraksion.com