“Muhaj kapi edhe një hanxhar dhe tentoi të godasë me të nënën e tij”. 8-vjeçarja dëshmitare në vrasjen e së ëmës!
Renato Muhaj vrau Suela Saliajn me thikë në prani të vajzës 8-vjeçare në Largo të Floridës-SHBA. Deklaratat e sapopublikuara të arrestit për Renato Muhajn hodhën dritë mbi rastin që i shtyu autoritetet të lëshonin një Amber Alert për vajzën e tij 8-vjeçare dhe ta arrestonin Muhajn me akuza të shumta, përfshirë vrasjen e shkallës së parë. Policia tha se Muhaj sulmoi prindërit e tij në banesën e tyre dhe më pas vrau nënën e vajzës së tij, 32-vjeçaren Saliaj, në banesën e saj në Clearwater. Emrat e prindërve dhe informacione të tjera janë redaktuar nga deklaratat e lëshuara të martën nga Zyra e Sherifit të Qarkut Pinellas, por detajet e përfshira në dokumentet e shoqëruara me informacionin e lëshuar nga policia ndihmojnë për të krijuar një pamje të një zinxhiri të dhunshëm ngjarjesh.
Incidenti filloi rreth orës 2:44 të mëngjesit të së hënës. Policia thotë se Muhaj ka rrahur të dy prindërit e tij dhe ua ka marrë celularët në mënyrë që të mos telefonojnë 911-shin.
Sipas dëshmive të arrestit, Muhaj ka hyrë në dhomën e gjumit të prindërve të tij dhe gjatë një bisede me ta ka nisur ta godasë me grusht në fytyrë të atin. Muhaj kapi edhe një hanxhar dhe tentoi të godasë me të nënën e tij. Prindërit e tij “u kapën me njëri-tjetrin dhe mbyllën sytë nga frika se mos do të vriteshin nga Muhaj”, thuhet në një deklaratë. Muhaj e goditi nënën e tij në kofshë dhe e shtyu disa herë në një shtrat. Më pas të dy mundën të arratisen nga banesa.
Gjatë daljes nga banesa, Muhaj bëri një koment se dikush është “në duart e djallit”. Policia e Clearwater kontaktoi Departamentin e Policisë Largo për ndihmë në gjetjen e Muhajt dhe policia e Largos shkoi në shtëpinë e Saliajt në Bayside Court Apartments, në 1760 Clearwater Largo Road, për të kryer një kontroll të mirëqenies. Sipas një deklarate, oficerët panë gjak jashtë banesës së Saliajt së bashku me “një thikë të mbuluar me gjak”. Brenda banesës, Saliajn e gjetën të vdekur në dyshemenë e dhomës së gjumit, të mbuluar me gjak. I ishte prerë fyti. Vajza e Muhajt dhe Saliajt, Alessia, nuk ishte në apartament dhe policia nisi Amber Alert rreth orës 7 të mëngjesit. Alarmi tha se Alessia dhe Muhaj ishin larguar me makinë.
Rreth orës 8:30 policia mundi të arrestojë Muhajn dhe shpëtuan Alessia-n.
Alessia i tha policisë se ajo ishte dëshmitare e vrasjes së nënës nga babai i saj. Vajza tha se e dinte se nëna e saj kishte vdekur dhe ajo e pyeti babanë e saj: “Pse e bëre këtë?” “Ajo detajoi se i pandehuri përmendi se ai me të vërtetë donte që ajo të vdiste,” thuhet në deklaratë. Vajza i tha policisë se pas vrasjes, Muhaj e ka marrë nga banesa dhe e ka zbritur me shpejtësi nga disa shkallë. Ajo tha se ai më pas e tërhoqi zvarrë në beton për ta çuar në automjetin e tij, thuhet në deklaratë. Nuk ka asnjë referencë për një motiv në deklarata. Muhaj i tha policisë gjatë një interviste se nuk i kujtohej se çfarë ndodhi.
Fraksion.com
