“U përplasën me Açkën”, PS kërkon masë ndëshkimore ndaj Bardhit dhe Nokës, mblidhet nesër Komisioni i Etikës

Komisioni i Etikës do të mblidhet nesër në lidhje me kërkesën e grupit parlamentar të PS për marrjen e masave ndëshkimore ndaj deputetëve të PD, Flamur Noka dhe Gazmend Bardhi, mbi sjelljen e djeshme në Komisionin e Medias me Flutura Açkën.

Gazetari Ergys Gjençaj, ka raportuar për News24 se kërkesa e deputetëve socialistë nuk përfshin masë ndëshkimore vetëm për rastin e djeshëm, por edhe për sjelljen e dy deputetëve në seancën e parë plenare të sesionit të ri parlamentar.

Referuar Rregullores së re të Kuvendit, masa ndëshkimore tashmë nga maksimumi 10 ditë përjashtim nga Parlamenti, ka kaluar në 60 ditë përjashtim.