“Açka i nxjerr jashtë”, debate te “Media”, Bardhi dhe Noka i shkojnë te koka dhe i tërheqin me forcë mikrofonin

“Po i shërben Edi Ramës”. Me këto akuza i janë drejtuar Flutura Açkës, deputetët e PD-së, Flamur Noka dhe Gazment Bardhi sot në Komisionin e Medias.

Teksa kryetarja e komisionit, Açka iu kërkoi që të dilnin nga salla dhe të vijonin punimet, Bardhi i ka fikur mikrofonin dhe më pas dikush pas tyre i ka tërhequr atë duke e hedhur me forcë.

Pas këtij episodi, Açka njoftoi gazetarët teksa ishte live se do të mbante një konferencë urgjente për mediat.

DEBATI

Bardhi: Ngri zërin për të drejtat e opozitës

Açka: Ulu

Bardhi: Jo nuk ulem, pa u plotësuar të drejtat e opozitës.

 

Debati i plotë:

Flutura Açka: Gaz Bardhi unë të kam kërkuar..

Gazment Bardhi: Mos u bëj fasadë e bandave të Suel Celës dhe bandave të Elbasanit. Mos shkel mbi votat e demokratëve dhe të opozitarëve.

Gazment Bardhi: Fike mikrofonin Flutura. Ngri zërin për të drejtat e opozitës…

Flutura Açka: Gaz Bardhi unë të kam kërkuar…

Gazment Bardhi: Mos u bëj fasadë e bandave të Suel Celës dhe bandave të Elbasanit. Mos shkel mbi votat e demokratëve dhe të opozitarëve…

Flutura Açka: Kjo është mbledhja e parë e sesionit 2024. I uroj një vit të mbarë. Jemi të detyruar kolegë … Më lër…

Gazment Bardhi: Mos u bëj fasadë.

Flutura Açka: Ulu të flasim bashkë për këtë çështje.

Gazment Bardhi: Ngri zërin për komisionet hetimore dhe të drejtat e opozitës…

Flutura Açka:Më lër, ulu ta drejtojmë bashkë. E të flasim dhe për këto çështje…

Gazment Bardhi: Nuk ulem.

Flutura Açka: Ulu flasim bashkë.

Flutura Açka: Ju e dini shumë mirë që makinacioni i fundit të qeverisë për të miksuar Ekonominë me Kulturën….

Gazment Bardhi: Flutura mbylle Komisionin.

Socialistet: O Flamur ca je duke bërë, me një grua do merresh

Flutura Açka: Nuk e ndërpres se nuk marr urdhra prej teje Gaz Bardhi!

Noka: Je me votat tona këtu.

Noka: Je duke i shërbyer Edi Ramës.

Noka: Po i shërben Edi Ramës, turp.

 

Fraksion.com