Kushtëzimi i Serbisë për anëtarësim në BE me zbatimin e marrëveshjes, Stano: Po punojmë në përputhje me këto kërkesa

Detyrimi për të zbatuar marrëveshjen me Kosovën kusht për anëtarësimin e Serbisë në BE, Stano: Puna po vazhdon në këtë drejtim

Zëdhënësi i Bashkimit Europian, Peter Stano, në pyetjen nëse BE-ja do të detyrojë Serbinë të zbatojë marrëveshjen me Kosovën duke e kushtëzuar me anëtarësim në bllok, tha se shtetet anëtare po punojnë në këtë drejtim.

“Puna në këtë drejtim po vazhdon në përputhje me kërkesën e vendeve anëtare”, ishte përgjigjja e Stanos. Megjithatë, ai s’u përgjigj nëse kjo do të ndodhë gjatë janarit, raporton Gazeta Express.

Kërkesa për ndryshimin formal të kushteve në kapitullin 35 u bë nga shtetet anëtare të BE-së në konkluzionet e miratuara nga Këshilli për Çështje të Përgjithshme në dhjetor.

Ai përsëriti se palët kanë bërë një zotim me Marrëveshjen e Ohrit dhe se marrëveshja është ligjërisht e detyrueshme.

Fraksion.com