Boçi, ftesë demokratëve për bashkim
Nënkryetari i “Rithemelimit” thotë se po punohet për një proces bashkimi në Partinë Demokratike dhe fton demokratët t’i bashkohen.
Boçi fton deputetët që mbështesin Lulzim Bashën, ndërsa për vetë Bashën ka një kusht: fillimisht të mos jetë më patericë e qeverisë dhe më pas të të bëhet pjesë e frontit opozitar.
“Po punohet për një proces bashkimi. Ky bashkim është real, për ta shtrirë edhe në partitë e tjera opozitare. Ftesa për ata demokratë që mendojnë ndryshe është një thirrje e hapur për të gjithë deputetët.
Ata deputetë që sot janë te pjesa e Bashës, janë të ftuar të bëhen pjesë e PD-së dhe e kësaj iniciative bashkuese. Opozita të dalë e përbashkët në betejë. Basha është deputet dhe në momentin që do fillojë të bëjë opozitë dhe do e dëshmojë me aksion opozitar, gjithmonë është i ftuar. Në momentin që vazhdon të jetë patericë e qeverisë duke i shërbyer asaj me propozimet ligjore, nuk mendoj se ka dëshirë të bëhet pjesë e frontit opozitar”.
Sipas tij, iniciator i këtij procesi është ish-kryeministri Sali Berisha.
“Është kryetar i PD, është iniciues kryesor i bashkimit dhe përderisa është drejtuesi kryesor është pjesë e procesit të bashkimit të PD”.
Për nënkryetarin e “Rithemelimit”, prova e parë që duhet të kalojë grupi i Bashës, është mbështetja me prani poshtë ballkonit të Sali Berishës.
Fraksion.co
