Horoskopi vjetor 2024

Ky është horoskopi vjetor 2024 (1 janar deri në 31 dhjetor 2024). Parashikim i yjeve për punën shëndetin dhe dashurinë  për secilën shenjë.

Dashi

Gjatë këtij viti do të jeni shumë aktivë dhe do dini ta shfrytëzoni si duhet energjinë që do t’iu japin yjet. Do ndiheni gjithmonë të fortë, ambiciozë, të guximshëm dhe më të sigurt për hapat që duhet të hidhni. Më në fund do ta kaloni periudhën e pikëpyetjeve të shumta dhe dyshimeve dhe pasi të keni reflektuar gjatë do ndiheni më të sigurt për të hedhur hapa. Për sa i përket çështjes së ndjenjave, ju do të dashuroni, por edhe do të urreni fort. Shkurti do jetë muaji kur do preferoni të qëndruar paksa vetëm, por më pas do riktheheni me pasion në lidhjen që keni. Si për çiftet ashtu edhe për beqarët priten edhe surpriza, sidomos në prill. Në punë, muajt e parë nuk do iu ecin siç e kishit menduar. Gjërat do bëhen shumë ngadalë, megjithatë nuk do iu mungojnë idetë. Më pas situata do të rregullohet, ju do të motivoheni dhe do arrini ku doni. Shëndeti do të ketë ulje dhe ngritje. Stresi dhe lodhja do jenë ato që do sjellin disa probleme, por asgjë serioze. Këshillohuni me miq e të afërt pasi do t’iu ndihmojnë. Financat do përmirësohen goxha pas muajit maj.

Disa këshilla të vyera që iu japin yjet për këtë vit janë: Kujdesuni për veten, dëgjojini të tjerët dhe mos u tregoni të ashpër me veten tuaj!

Demi

Binjakët

2024 do të jetë një vit i shenjtë për ju. Edhe kur të kaloni sfida e vështirësi, gjërat do përmirësohen dita ditës. Priten ndryshime të mëdha dhe ju nuk do t’i shihni më gjërat dhe njerëzit njësoj. Jupiteri do sjellë suksese të njëpasnjëshme thuajse në të gjitha fushat. Përgatituni edhe për një propozim të rëndësishëm, të cilin nuk duhet ta refuzoni për asnjë arsye. Dashuria në 2024-ën do të jetë antistresi juaj. Ajo do t’iu qetësojë dhe do t’iu japë më shumë forcë. Disa marrëdhënie do të marrin një dimension tjetër. Nuk do mungojnë përkëdheljet e fjalët e ëmbla, por mund të ketë në disa raste edhe keqkuptime në çift. Beqarët duhet të bëhen gati për të papritura të këndshme. Në punë, tre muajt e parë do jenë shumë të lehtë, ndërkohë që më pas do t’iu duket gjithçka më e vështirë. Gjithsesi falë Jupiterit gjërat do të riekuilibrohen. Përvoja dhe komunikimi do jenë armët më të forta. Financat do të mbeten të qëndrueshme. Gjendja shëndetësore do jetë shumë e mirë. Do t’i dëgjoni sinjalet e trupit tuaj dhe do kujdeseni më tepër për veten. Disa këshilla të vyera që iu japin yjet për këtë vit janë: Pranojini ndryshimet, komunikoni sa më shumë dhe jini të përgatitur për të papritura.

Gaforrja

Më në fund ju gaforret do merrni frymë lirisht gjatë këtij viti. Nuk do të jeni aspak nën presion dhe do të ndiheni më të qetë se kurrë. Intuita juaj në 2024 do të jetë fantastike dhe instinkti do t’iu tregojë ku dhe drejt kujt të drejtoheni. Për sa i përket dashurisë, këtë vit do dëgjoni më shumë zemrën sesa arsyen, do dëgjoni instinktin dhe ndjesitë e momentit. Nuk do të neglizhoni asnjë mundësi për të përjetuar emocione të bukura. Një këshillë nga yjet është që ta lini tjetrin të flasë pak më shumë dhe ju duhet të dëgjoni. Nuk do të dilni të humbur! Edhe për beqarët do të jetë një vit pasionant dhe entuziazmues. Në punë do të keni suksese të njëpasnjëshme. Të gjitha përpjekjet e bëra do të japin frytet e duhura. Financat do dini t’i menaxhoni si duhet dhe nuk do kenë tronditje. Edhe shëndeti do jetë i mirë si ai fizik, ashtu edhe ai moral. Muajt kur do ndiheni më energjikë do të jenë korriku dhe gushti. Disa këshilla të vyera që iu japin yjet për këtë vit janë: Ndiqni intuitën tuaj, lërini të tjerët të flasin dhe bëni atë që doni.

Luani

Eh çfarë viti do të jetë 2024 për ju! Pritet një ndryshim shumë i madh në anën profesionale dhe çdo gjë do jetë ndryshe nga më parë. Mos kini frikë, ndiqni rrugëtimin tuaj dhe mos ua vini veshin llafeve që të tjerët thonë për ju. Në dashuri do t;ju duhet të rishpikni çdo gjë, që nga mënyra sesi dashuroni, mënyra sesi e menaxhoni lidhjen, si e suprimoni tjetrin e gjithçka. Në muajit e parë mund të keni debate, madje edhe ndarje të përkohshme, por duke filluar nga muaji prill çdo gjë do ecë më mirë. Mos mbani të fshehta, thuajeni atë që keni në mendje dhe mos mbani inate përbrenda vetes. Beqarët nuk duhet të nxitohen për asgjë, por duhet të presin momentin e duhur. Në punë gjërat do ju ecin më së miri. Mbani mend datën 21 prill pasi do ndodhe diçka e jashtëzakonshme. Edhe financat do përmirësohen me kalimin e muajve. Shëndeti mund të ketë probleme të vogla për shkak të lodhjes. Stresi gjithashtu do jetë armik i madh kështu që duhet të kujdeseni më tepër për veten.

Disa këshilla të vyera që iu japin yjet për këtë vit janë: Mos kini frikë nga e panjohura dhe tentoni, mos kini frikë të gaboni.

Virgjëresha

Në 2024-ën për ju do të ndryshojë e përditshmja dhe zakonet që keni. Gjithsesi duhet thënë se do jeni shumë të vendosur në çdo fushë dhe mjaft këmbëngulës. Do vendosni të ndryshoni disa gjëra si asnjëherë më parë dhe të tjerët do t’iu shohin me një sy tjetër. Tre muajt e parë do të jenë ata më produktivët për ju. Për jetën në çift do të jetë një vit vendimtar. Ka mundësi që yjet t’iu afrojnë me partnerin dhe do kaloni më shumë momente romantike. Debate mund të ketë pak më shumë në fund të vitit. Nëse jeni beqarë, 2024 do të jetë plot mundësi, kështu që përfitoni sa të mundeni. Fundi i janarit dhe fillimi i shkurtit do jenë më të suksesshmit në dashuri. Në punë do jeni seriozë, të motivuar dhe reflektoni besim tek të gjithë. Priten disa ndryshime pozitive sidomos gjatë shkurtit. Në fund të vitit përgjegjësitë do t’iu shtohen, do të lodheni pak më tepër, por do keni përfitime nga të gjitha anët. Financat do përmirësohen pas mesit të vitit, por duhet të bëni kujdes me menaxhimin e tyre. Nëse nuk e teproni me lodhjen, shëndeti nuk ka për të pasur asnjë lloj problemi.

Disa këshilla të vyera që iu japin yjet për këtë vit janë: Mos kini frikë të hidhni hapa të mëdhenj, tentoni dhe çlodhuni herë pas here .

Peshorja

Gjërat nuk ju kanë ecur mirë deri tani? Harroni çdo gjë, pasi 2024 do të vijë ndryshe. Nuk do ekzistojnë më dyshimet dhe shqetësimet që ju frenonin, tashmë qetësia do mbizotërojë dhe ju do të ecni përpara. Jeta sentimentale do jetë përgjithësisht e mirë. Edhe pse do jeni të ngarkuar, ju do ta gjeni kohën për t’u përqafuar e për të qëndruar me partnerin. Nëse ndani çdo gjë dhe nëse e mbështesni njëri-tjetrin asgjë nuk do ju ndajë dot. Shtatori do të jetë muaji kur do dashuroheni me më shumë pasin. Beqarët nga ana tjetër mund të kenë takime shumë interesante në fillim të verës dhe në fund të vitit. Në punë nuk do mungojnë aspak mundësitë që ju të tregoni aftësitë tuaja. Me vendosmërinë dhe guximin që do keni do të arrini gjithçka që doni pavarësisht se do të keni goxha kundërshtarë. Financat nuk do jenë të këqija, por mundohuni të jeni të arsyeshëm me shpenzimet. Shëndeti do të jetë përgjithësisht i mirë.

Disa këshilla të vyera që iu japin yjet për këtë vit janë: Qëndroni me këmbë në tokë dhe jini vetvetja.

Akrepi

Gjatë këtij viti priten goxha trazira për ju. Nuk do jeni më të qetë si një vit më parë dhe rehatia do të marrë fund. Ka mundësi të bëni edhe zgjedhje përfundimtare, por kjo nuk do të thotë që të jenë të pamenduara. Mos u mërzitni, pasi të gjitha këto janë normale dhe kushdo i kalon në jetë, thjesht ju ka ardhur koha të rebeloheni pak më shumë. Do ta dëgjoni më shumë veten dhe dëshirat tuaja. Dashuria do ketë ulje dhe ngritje pasi një ditë do jeni gati për zyrtarizime, e një ditë tjetër do kërkoni lirinë tuaj dhe pak kohë për veten. Nëse jeni beqarë do të keni një vit më të mirë. Do iu jepen plot mundësi për njohje të reja, prej të cilave duhet të përfitoni sa më shumë. Për jetën profesionale do të jetë një vit premtues edhe pse do kaloni pengesa. Pas disa konflikteve dhe mundimeve, ju do shkëlqeni si kurrë më parë. Financat nuk do jenë të këqija. Shëndeti do ketë vetëm disa shqetësime të vogla, por asgjë për t’u shqetësuar.

Disa këshilla të vyera që iu japin yjet për këtë vit janë: Jepni komanda, digjini zemrën tuaj dhe bëni atë që ju pëlqen.

Shigjetari

A do jetë 2024 një vit mi mbarë për ju? A do të arrini ato që doni? Po! Fati do t’iu buzëqeshë, por nuk duhet të tregoheni mendjemëdhenj. Dëgjoni instinktin dhe do dilni të fituar. Jeta sentimentale nuk do jetë tërësisht e qetë. Mundoheni të largoni ankthin, të flisni më tepër me partnerin, të ndani me të dyshimet dhe frikërat, pasi do iu bëjë shumë mirë. Beqarët do kenë njohje mjaft interesante, por mirë është të mos besojnë verbërisht. Le t’i marrin gjërat shtruar dhe të vendosin kur të jetë koha e duhur. Në punë do keni projekte të reja, por mund të ndodhin edhe disa vonesa. Tregohuni të qetë, mos e mbivlerësoni veten gjithë kohës dhe mos e humbni shpresën. Fillimi i vitit do jetë pak më i sikletshmi e më pas gjithçka do rregullohet. Me financat bëni kujdes sepse gabimi më i vogël mund të jetë fatal. Shëndeti do të jetë i mirë. Do ndiheni goxha në formë.

Disa këshilla të vyera që iu japin yjet për këtë vit janë: Lëreni veten të lirë, kultivoni kopshtin tuaj shpirtëror dhe ndiqni instinktin. et

Bricjapi

Gjatë këtij viti do vazhdoni ato që keni nisur një vit më parë dhe do përparoni drejt qëllimeve tuaja me forcë e vendosmëri. Do të jeni më pak të shqetësuar de do keni performanca më të mira. Për dashurinë do të jetë një vit pozitiv. Mundohuni që lumturinë dhe harenë që do arrini në çift ta mbani sa më gjatë. Për çdo gjë flisni hapur me partnerin dhe nuk do të lindin aspak keqkuptime. Beqarët do të jenë më të shoqërueshëm dhe më të hapur se më parë. Kjo do t’i ndihmojë të takojnë persona vërtet interesantë. Në punë nuk d t’iu ndalë asgjë dhe askush. Më në fund e keni gjetur çelësin e suksesin. Financat duhen pasur më nën kujdes se kurrë pasi nuk do jenë në gjendjen më të mirë. Shmangni blerjet e mëdha e të panevojshme. Fizikisht do ndiheni për mrekulli. Nuk do kaloni as viroza të shumta si një vit më parë.

Disa këshilla të vyera që iu japin yjet për këtë vit janë: Shprehini me zë të lartë dëshirat tuaja dhe mos u merrni aspak me ziliqarët.

Ujori

Gjatë këtij viti ju do të jeni më të kthjellët, më kërkues dhe do të bëni zgjedhjet e duhura. Do dini të përshtateni më së miri edhe me gjërat e reja që do të ndodhin dhe më në fund do ndiheni më të pavarur. Për sa i përket dashurisë, në 2024-ën do të shijoni të gjitha shijet e saj, të mirat dhe të këqijat. Mundohuni të jeni sa më të sinqertë me partnerin dhe shprehini ndjenjat, Mund të kaloni edhe disa kriza, por që do kalojnë më shpejt nga sa mendoni. Beqarët nuk duhet të vrapojnë shumë pas dikujt sepse do gabojnë. Në punë keni për të pasur goxha arritje nëse tregoheni të vendosur dhe ndiqni një disiplinë strikte. Sfidat nuk do të mungojnë, por ato në të vërtetë e bëjnë çdo gjë edhe më interesante. Financat do të kenë disa të papritura. Shëndeti nuk do jetë në formën më të mirë, por as shumë i keq nuk do të jetë.

Disa këshilla të vyera që iu japin yjet për këtë vit janë: Mos u mundoni t’iu pëlqeni të gjithëve dhe kultivoje pavarësinë që do fitoni.

Peshqit

Gjatë këtij viti do t’iu duhet të kaloni disa sfida, të cilat do jenë vërtet të vështira. Gjithsesi gjëja e mirë është që ndryshe nga më parë, do të jeni më luftarakë. Dëgjojeni intuitën dhe do të arrini atje ku doni. Jeta sentimentale do ketë ulje dhe ngritje, përveç shkurtit kur mund të kaloni momente pasiononte. Bëni shumë kujdes me xhelozinë. Për beqarët nuk është e sigurt nëse do të ndodhin ngjarjet e shumëpritura. Le të bëjnë pak durim sepse asnjëherë nuk i dihet. Për punën 2024 do të jetë vit plot sfida, por falë vendosmërisë suaj dhe mbështetjes së planetëve pritet të jetë edhe i suksesshëm. Shpesh do t’iu lindin edhe ide të shkëlqyera që do t’i habitin edhe shefat tuaj. Mund të ndryshoni edhe pozicionin e punës, sigurisht që për mirë. Në tetor do të ndodhë diçka vërtet emocionuese. Financat do kenë herë pas here tronditje të vogla. Shëndeti nuk do të jetë i keq, por mundohuni të ushqeheni si duhet dhe të mos e teproni me qëndrimin zgjuar në orët e natës.

Disa këshilla të vyera që iu japin yjet për këtë vit janë: Shëroni plagët e vjetra, përqendrohuni tek gjërat pozitive dhe lëreni të lirë kreativitetin tuaj.

Fraksion.com